سلام والماقف الغصّاب يبغى رجال::ولاجيت اباآقف هنا الاّ وانا قدّها

[محمد بن دغيم السميري]

[align=center]القصيده التي القاها الشاعر/سعود بن حلمي السميري في حفل الشيخ/ناصر بن عمر بن زيد:
وقد نالت إستحسان الجميع واشاد بها كل من سمعها....[/align]

[poem=font="Simplified Arabic,5,black,bold,italic" bkcolor="blue" bkimage="backgrounds/14.gif" border="double,10,darkblue" type=2 line=0 align=center use=ex num="0,black"]
سلام والماقف الغصّاب يبغى رجال=ولاجيت اباآقف هنا الاّ وانا قدّها
وان دار كيف الدلال اللي بصفر الدلال=امد كفّي على الفنجال ماأردّها
واللي يريد الاجابه لاطرح لي سؤال=عندي علومٍ قديمه جيت ابا اعدّها
عن ماضي اسلافنا يوم الليالي ليال=يوم السيوف الصقيله يلتهب حدّها
ان جاتنا من جنوب ان جاتنا من شمال=البل ليا صبّحت نلحق ونرتدّها
ماطار ستر العذارى لابسات الجلال=نبيع الارواح ماسالت على خدّها
ومن الطناخه نجي حد العيا والهبال=وكم عيطموسٍ تفاخر في فعل جدّها
ربعي هل الماقف اللي مثل شم الجبال=ابطال يكتب لنا التاريخ ويعدّها
دخيلنا مايضام وجارنا فالعلال=وقصيرة البيت ماوقنا على سدّها
حنّا هل الرمح واهل السيف واهل السلال=كم قوم تطمع ونوقفها على حدّها
منّا ثلاثه حمو بيرق نهارٍ كمال=غربي من الماعزي وقعه وابا اعدّها
وسبعة عيالٍ حمو جال الركايا الزلال=والقوم تقفي ضماياهم ماهي ودّها
ومنّا ومنّا ومنّاوالمواقف إثقال=مثل البحور العميقه جزرها مدّها
وواحد نهارٍ مع العرفاء شديد القتال=الخيل تلحق ويوقفها على حدّها
وواحد نهارٍ من الوادي وجيشٍ هزال=حمى الركايب ووردها على عدّها
والوقعه اللي على دمخٍ مغيب الهلال=فكّوا لها الريع والطابور ماردّها
وقعة مؤزر لياجا للسوالف مجال=نأقف لها غصب فألتاريخ ونعدّها
والردّه اللي على رايان شرقٍ عدال=كم عيطموسٍ تصيح وينلعن جدّها
خمسة عشر ردّه اللي نرتجلها ارتجال=ردّات ربعي صعيبه ماحدٍ ردّها
هذا كلامي وخل قصيّرين الحبال=والكلمه اللي تنومس بدّها بدّها
صحيح والماقف الغصّاب يبغى رجال=يبغى رجالٍ ليا وقفت تجي قدّها[/poem]


[align=center]الشاعر/سعود بن حلمي السميري[/align]