هاضت هجوس الضماير

[فهيد مقعد الرويس]

الاعزاء اعضاء هذا المنتدى النير اليكم بعد السلام عليكم

هذه قصيده لها مايقارب ثلاث سنوات .

ومناسبتها تحتاج مقدمه .

عندما يكون بين الرجل وابن عمه نقاش اوخلاف فلايحق لرجل من خارج تلك القبيله الوقوف مع احدهم ضد الاخر باي شكل من الاشكال اوالتدخل بينهما الا ان تصلح اماغير ذلك فلايحق لك ولكن بعض الرجال مايعرف الكلام هذا فيكون عرضه لمثل هذه القصيده.

[poem=font="Simplified Arabic,5,deeppink,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هاضت اهجوس الضماير للقصيد=واستهلن بالتماثيل الجداد

من بنات الفكر تنظيم(ن)جديد=وعن مسار الغير ممشاهن احياد

لويوافق طرقهن طرق النشيد= قاطعين الشك عنهن بالوكاد

لافرقهن راعي العقل الرشيد=الخدوش اخدوش ماهي فالمراد

ماحسبت احساب لخطات البليد=هيه يالي تهت عن درب الرشاد

فالقضيه وش غدالك من فقيد=مالك ابها لامسام ولاشداد

مار خلك فالسعه حيثك بعيد= لاتنوش للقواطيع الحداد

من وحمهن كم تودب من عنيد=مال مضربهن على الدفه ضماد

حسيتي في ماقف اليوم الشديد=والمات(ن)لصباح وللهجاد

لكن افلح وانتبه حذرا تعيد=الخطا راس الخطر فيه التماد

اعرف احدودك وعنها لاتحيد=المقرد منتهاها لنفاد

والشعر وهبة كريم المن يريد=مامنعوه ولاعطونيه العباد

مخره عود(ن)عسى عمره مديد=فا تحن في كل صندوق اعتماد

ولا بدعته ماتلفت لزهيد=للجزيل اشوم عن نظم الزهاد

واكتفي عن طول شرحي بالمفيد=لاتحلم بالقضا وسط البلاد

ذاصحيح العلم والمصدر وكيد=كان تفهم فالمعاني ياستاد

والختم صلو على خير العبيد=النبي شفيعنا يوم التناد

عد مايثمر هدب خضر الجريد=وعد ماهبت نسانيس البراد[/poem]

وسلامة الجميع