من رافق الطيب تطيب بطيبه

[ظافر العتيبي]

السلام عليكم

اليكم هذه المتواضعه آملاً ان تروق لذائقتكم

ولا بأس بالنقد الهادف والبناء



[poem=font="Simplified Arabic,5,darkblue,bold,normal" bkcolor="transparent" bkimage="backgrounds/40.gif" border="double,8,darkblue" type=1 line=0 align=center use=ex num="0,black"]
المجلس اللي فيه نمه وغيبه= ماني بمجبورٍ على جلسة فيه
لو اجلس لحالي براس الجذيبه= بارض فلا عجه تتابع ذواريه
اخير لي من مجلسٍ ما اهتنيبه= ماغير قيل وقال هرجٍ ما ادانيه
الله ولا عرف الردي ويش ابيبه= اللي علي يمن فنجال شاهيه
أعز نفسي مارضيت الغليبه= أموت وافنى مالحقني مشاريه
ومن لا يعز النفس يبشر بخيبه= كرامته تنداس لو هو برجليه
وعز الرجل نفسه ترى مايعيبه= عزه لنفسه يرفعه عند واليه
العيب ياللي جاهلٍ بالمعيبه= تقدير شخصٍ عدك شراك نعليه
من لا يراك الراس وش ترتجيبه= من لا يراك الراس حذرا تماشيه
اترك مجال النذل لا تشتقيبه= اترك مجال النذل لا عاد تطريه
محدٍ ٍعليه بجابرك بالغصيبه= تلفى طريقٍ غير دربه وتمشيه
تلقى مع الأجواد من تعتزيبه= وقت الشدايد صاحبه مايخليه
لا من نخيته بالليال العصيبه= يفز مثل الصقر من كف راعيه
من رافق الطيب تطيب بطيبه= ومن رافق الخايب يخيب مساعيه
هذا وانا اللي مارضيت الغليبه= أحيا واموت ومالحقني مشاريه[/poem]
وسلامة اذواقكم