ياجميله ماخلق مثلك جميله

[عبدالله المرشدي]

متواضعه ارجو قبولها

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
يا جميله ماخلق مثلك جميله=كامله ومكمله مالك وصيف
فايزه بالزين كثره مع قليله=ما تركتي للنساء جزءٍ خفيف
أنتي الأولى ولا غيرك بديله=ماعداكم يعتبر زينه طفيف
خدك اشبه بالقمر في نصف ليله=أو كما شمس الضحى في يوم صيف
زاد نوره منظر العين الكحيله=مع هدبها اللي على الحاجب ضفيف
لك عيونٍ سود واهدابٍ ظليله =في حورها الموت والسحر المخيف
الكتف والردف تكساه الجديله=خصلةٍ سودا من الشعر الرهيف
مدمجة ساقين واردافك ثقيله =لايقٍ صدرك على خصرٍ نحيف
عنق ريمٍ بالفلاء دايم مقيله=يجفل من الريح لا جاله حفيف
غصن بانٍ ناعمٍ فاقصى خميله=ما درى بالشمس ما قد جاه طيف
صوتك الجذاب ما يلقى مثيله =وشفتك خاتم به الجوهر صفيف
ضامر السرجوف يالمهر الاصيله=مثل زينك بالعرب ما بعد شيف
فيه مثلك بنت هذي مستحيله =حق لو تغتر مامثلك وصيف
الحسن بحماك من بد القبيله=منفرد بك ما بغى غيرك وليف
بنت شيخٍ ما بعد شفنا مثيله=ينصر المظلوم ويعين الضعيف
من نسب ناسٍ معادنها أصيله=ما تعرف الظلم مبداها نظيف
لو كتبت أبيات في وصفك طويله=ما تكفي وصف للجسم اللطيف
بعد هذا ياترى ويش الحصيله=مابقى الا تسقط اوراق الخريف
[/poem]