سلام من شمر ياصل للعتبان

[الفداغي الشمري]

قصيدة محمد بن جروح الشمري
يقول منها :
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامل قلب صايبه نوع هوجاس= تدلي هواجيس بقلبي رهيبه
من قوها عيا يجي عيني انعاس= أسهر تقل حدا القوايم صويبه
سهري ولع بالللي لهم بالوفاء ساس= وافعالهم عند القبايل عجيبه
أفعالهم ماهي حروف بقرطاس= كل يعرف أفعالهم ويحكيبه
أفعالهم تشهد لها قب الأفراس= وتشهد لهم عوص المطايا النجيبه
وتشهـــد سيوف تقطع المتن والراس= وتشهد رماحا ما تشهد صويبه
وتشهد لهم نجد جباله والأطعاس =وتشهد لهم خلج يغذي حليبه
أهل الكرم والمجد والصبر والباس =ياقيل منهم قلت تراهم عتيبه
عتيبه اليا منه تكاظمن الأضراس =وشان اللقا بين الحريب وحريبه
عدوهم يبشر بالأعيا والأفلاس= وعدوهم يا كود يقصر نصيبه
وياكود يشرب قاعد الصبر بالكاس= وتضيع هقواته لو انه مصيبه
وينصاب من عادا عتيبه بوسواس =ولوه شباب كود يزداد شيبه
حامين نجد قبل عنتر وجساس= يوم العرب مستعربين وعريبه
من سام ابن نوح لهم كرسي وساس= وعند العرب لهم مقام وهيبه
قبيلة ماله مع الناس أجناس= تقهق ضواميها وتسقى قريبه
قبيلة العتبان ماهي مع الناس =من شرقي الدنيا لغربي غريبه
خويهم يرفع على عالي الراس =وتثنا له الحمسه ويدفق سريبه
أهل بيوت مايركب بها أجراس= مفتوحة لجل الضيف تهويبه[/poem]




والقصيده هاذي لا توفي بحق عتيبه فهم وشمر بدون شك احباب وابناء عمومه والسلام عليكم ورحمت الله وبركاته