يـــارب صل على محمد وسلم ...( الا رســــ الله ــــــــول )

[ســـــامي عتيبه]

اخواني الاعزاء اعضاء منتدى قبيلة عتيبه اكتب اليكم هذه القصيده والتي اتمنى من الله ان تنال اعجابكم وان ينفعنا الله واياكم بها ..

[poem=font="Simplified Arabic,6,darkblue,normal,normal" bkcolor="transparent" bkimage="backgrounds/16.gif" border="double,4,indigo" type=2 line=0 align=center use=ex num="0,black"]
يا رب صل على محمد وسلم = شفيع خلقك في نهار القيامه
وشلون ما احب الرسول المعظم = الي وفت له عنكبوت وحمامه
يومن خيل الشرك خلفه ترازم = سدت عليه الغار نخوه وشهامه
سارت بأمر الله لو ما تكلم = واضفت على عيون الاعادي عسامه
وشلون ما اكتب فالقصايد وانظم = وهو الذي ازاح عنا الظلامه
مغفور اله كل ما تاخر وقدم = ومع كل هذا ماشيٍ باستقامه
عبدٍ شكور اقبل على الله واحرم = وامر بحج البيت واوفى صيامه
وبين لنا الحلال ويا المحرم = وكل المسائل حلها في كلامه
رسول صادق بالرساله ويرحم = رحم صغير السن واهل الزعامه
محبته تجري فعروقي مع الدم = واسمه على صدري طبعته علامه
يا جعل من هو لاطهر الخلق يرسم = ورسم صور مستهزيٍ في مقامه
يالله عساه اليوم يا ناس يرجم = ويصير جلده مختلط مع عظامه
ويا جعل مثوى من يسبه جهنم = يخسف بوسط النار سبعين قامه
ويالله تصيبه في هذا اليوم بالهم = ولا يطعم الراحه ولو في منامه
والله ما يربح ووالله ليندم = ولا ينفعه من بعد فعله ندامه
وصلات ربي عد موجٍ تلاطم = وعداد ما تنسج خيوط العمامه
وصلات ربي عد حرفٍ يترجم = وعداد ما سار القلم في نظامه
على ابا القاسم واكرم وانعم = محمد شفيع الخلق يوم القيامه[/poem]

وسلااااامتكم
اخوكم / سامي العتيبي