رد الثناعنهم وجب لامحاله

[فهيد مقعد الرويس]

السلام عليكم ورحمة الله وبركاته

اخواني الاعزاء هذه قصيده موجهه لفهد بن حسين الحبابي القحطاني

فرج الله كربته ’


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
يامرحبـا ياصـادق فــي مقـالـه=عد الشجـر واعـداد مـالاح بـراق
واعـداد مـا ينبـت بـوادي تبالـه=من الزهور اشكـال والـوان وارنـاق
يابن الرجال اهـل الكـرم والشكالـه=واهل الشجاعه يوم نشفـات الاريـاق
احبـاب مـا فيهـم احقـود ونذالـه=الـورع منهـم للصعيبـات تــواق
يامـن تعنـا ابـوه يطلـب خوالـه=ماقال ابا اخذ من بني طـاق طربـاق
وياللي لراس المجـد طـوح احبالـه=وادرك سنام المجد واعرض عن الساق
وخلى الرجال تشح بـه طـاب فالـه=وتطلق عن يدينه جويـدات الاوثـاق
ومن طيب ابوه وطيب جـده وخالـه=اغدق على ربعـي بتمجيـده اغـداق
ورد الثناء عنهـم وجـب لا محالـه=وكتبت ردي له علـى بيـض الاوراق
الخـط يعنينـي وانــا بالوكـالـه=عن عزوة الهيلا عريبيـن الاعمـاق
ابشـر بعـزك يـا مكـرم اسبـالـه=لوكان مـا يبقـى لنـا يافهـد بـاق
من لا فـدى بالـروح يفـدي بمالـه=اسمع كلام الصدق من قلب واعمـاق
اطلع سنـود وخـل عنـك السهالـه=من يعتزي بعتيبه يمـوت مـا ضـاق
والشيخ ابن جامـع وجملـة اعيالـه=وعشيرته سنـدك عـن كـل بـواق
شيخ علـى الفزعـه بجاهـه ومالـه=يعط البشاير لا خسـق كـل خسـاق
في المملكـه ومـن الجنـوب لشمالـه=تعانـق التنعيـم مـع ذكـره اعنـاق
ومن شرقها لا غربهـا مـن تسالـه=عن بيت ابو خالـد يوديـك مشتـاق
قولة هـلا بالضيـف بـادي اقبالـه=مقري اضيوفه باطيب الضان والنـاق
فهـد يـاراع الاولــه والجـزالـه=لعل باق العمـر لـك عـز واوفـاق
انتم عـل الطـالات واهـل البسالـه=يامكرمين الضيف بظهـور واشنـاق
او حايل من ضيـن مصلـح حلالـه=لا جابهـا واغـلا ثمنهـا بالاسـواق
وانتـم هـل الافعـال يـوم الجهالـه=لا كبـرت القالـه ولا عـاد تنطـاق
من اصل قحطـان اصلكـم والاصالـه=ترجع لكم غصـب علـى كـل نقـاق
اشيوخكـم كمـا رواسـي اجبـالـه=اجمالها لو صـارت اطبـاق اطبـاق
الشيـخ منهـم لـو ببيتـه لحـالـه=مـن يزبنـه ذراه لـو مالـه ارواق
مـن يزبنـه ينـال مـحـد ينـالـه=ما يلحقه مـن سـو ء اليـام لحـاق
ولا يجحـد التاريـخ كـود الحثالـه=والصيـد مـا يدميـه ياكـود تفـاق
وسعود كانـه فيـك سـوى جمالـه=لولاك تستاهل لـك الطيـب مانسـاق
وحنا ترانـا معـك فـي كـل حالـه=يا من بدت شمسه عقب غاب باشراق
والله ياخـذ مـن يـشـح بحـلالـه=كانه لفعـل الخيـر ماهـوب سبـاق
وحسبي على اللي يحكمـون بضلالـه=بالظلم عجليـن علـى قطـع الارزاق
والله موصيـهـم بحـكـم العـدالـه=يلعنـك مخلـوق يخالـف لـخـلاق
واختامـهـا يالله يــاذا الجـلالـه=ياواقـي مـن الشـر يالله يــاواق
تفرج لمن هـو عايـش فـي ملالـهوصلوا على راع الهدايـه والاخـلاق
[/poem]


الشاعر:

محمد بن سعود بن هلال الرويس

وسعود الوارد ذكره فالقصيده

هو المقدم سعود بن سلطان الرويس

ارجواني قد وفقت فالنقل

وسلامة الجميع