الـــهــــــــــدايـــــــــا ؛؛؛؛؛؛؛؛

[فهد المطيري]

هذه كلمات مختاره للشاعر / فهد مطلق المطيري

اتمنى ان تنال على رضاكم




[poem=font="Simplified Arabic,5,blue,bold,normal" bkcolor="transparent" bkimage="backgrounds/1.gif" border="none,4,gray" type=1 line=0 align=center use=ex num="0,black"]
ملٌت اعيوني رسايلك القديمه . والهديا = مابقى لي شي عقبك احفظه . واحرص عليه

ليت والله ماتركتيها وصارت لي بقايا = ذكرتني في زمانً . كنتي أحلاء شي فيه

كل ماطاحت عليه العين ناظرت الزوايا = وآتخيل جلستك فيها وانادي هيه . هيه

قمت اناظر في الملامح وآتعرف هالحلايا = ومرٌةً اقول لا . ومرٌةُ آقول ايه

وآتنهد لين ضاقت بالنفس كل الحنايا = وارضى بالواقع ولو اني حقيقه . ما أبيه

ماهقيت ان الغلاء له قلب . ولسان . وشفايا = لين شفتك في عيون العشق وانتي . ترسميه

ولاهقيت ان الجفا دمع . ومشاوير . ومطايا = لين شفت الحال ناحل والمآسي . تقتفيه

ولاعرفت الذل لحظه . لين قمت اصيح يايا = لحظةً طاحت عيوني للثراء ثم قلت . ليه ؟

كان حبي لك ذنوبً . واحياجي لك خطايا = لأستبيح الذنب من اجلك . ولا اقول اغفريه

عانك الله ياخفوقً عاش في حسن النوايا = ولا درى ان الحظ الاقشر واقفً له . يحتريه

وش يحد المبتلي المسكين في حر الكوايا ؟ = غير شيً يفلت احبال التحمل . من يديه

وش يقول اللي غدا قلبه على شانك شظايا ؟ = مابقى له غير يركض في الخلا مثل السفيه

علميني . وش اسوي بالرسايل والهدايا ؟ = هو به اغلاء منك من شان احفظه واحرص عليه ؟ [/poem]

ولكم تحياتي