.. من الهــاجس الخافي ..

[سويّد التميمي]

[align=center]

السلام عليكم ورحمة الله وبركاته ..

ونعود للتواصل معاكم .. مع هذه المتواضعه .. وعسى ان تحوز اعجابكم

.. كل التقدير لكم ..[/align]

[poem=font="Simplified Arabic,4,black,bold,italic" bkcolor="transparent" bkimage="backgrounds/17.gif" border="double,4,gray" type=1 line=1 align=center use=ex num="0,black"]

لافار تنور الضماير على الجأش = سار القلم يرسم تعابير جاشي

من الهاجس الخافي ترى الراس منداش = والجسم ماوالف ليان الفراشي

أمشي مهوجس بالملأ كنه أوباش = ماحد ٍ سلم منها إذا مايخاشي

أشوف مايلها ولاأزعل ولا أهتاش = وليت وعسى نسلم بليّا إبتلاشي

أمشي نقا لو السما كلها غباش= وعند الولي رزقي وعيشي ومعاشي

الطيب ماتلقاه لو شلت منقاش =راحوا هله ودروبهم والمماشي

بقت على ناس المصالح وقطاش =بليّا مصالح حبهم لك نواشي

صحباتهم يالقرم لو جتك ببلاش =جنّب مجال إدروبهم والعفاشي

دنياك هذي كلها شوك وأحراش = لوبينّت لك دربها بإنتعاشي

لالا تهقوى جعل يفداكم اللاش = تالي مواريثه ذراعين شاشي

ماطاب هيس بالردى حاش ماحاش= لو هام درب الطيب ماله مهاشي

من غشنا غشك وبالسوق غشاش =خذ الحذر من هرجته بالنقاشي

الظيف والعاني يقدمله أكباش = ومن لادعي يجلس ..بليّا فراشي

المرجله ماتنجلب وسط الادباش= واللبّ دونه يالسنافي حواشي

ومن لايميز دربها ليت ماعاش = والله كريم ويحفظه لجيل ناشي[/poem]
[align=center]
وســـلامتكم[/align]