[frame="4 80"][align=center]ليلي تطاول واشتبه مع صباحـي
وش قصة اللي ضيع الصبح والليل
لاتقعدوا يانـاس ميـت جراحـي
يظهر صداهـا باليالـي المقابيـل
ترى الاسى لحرك بسـاع فاحـي
مثل الهوى لحركه مقبـل الليـل
كم من عزيزٍ كان عندي وراحـي
حسيت من فرقاه بالنفـس تبديـل
الصبر في ضيم اليالـي وشاحـي
حتى غدى في ظلمة الهـم قنديـل
يضفي على دربي أمل وانشراحي
انا اشهد ان الصبر للعبـد تكميـل
كان الحمـام مغـردٍ يـوم ناحـي
اهل النفوس المتعبة نوحهم ويـل
ماقول مظلـومٍٍ ولا السـد باحـي
لاكن هي الدنيا على العدل والميل
بلشت في قلبٍ عن الحـق شاحـي
أقفى ورى الدنيا كما أقفاية السيـل
لجيت ارده قال مالـك صلاحـي
خلك بعيد ارجوك ماعاد بي حيـل
ماتشوفني ضايق كسير الجناحـي
لالاتحملنـي انـا فـوق ماشيـل
وخذتني الرحمة ونقض جراحـي
واسلمني لهمٍ مثـل غبـة النيـل
يالله يـاهـادي دروب الفـلاحـي
يالي سجد لك كامل الكون تبجيـل
تردني من سكرة الطيش صاحـي
وتجعل حياتي بين ذكـرٍ وترتيـل[/align][/frame]
| 
|
11-09-2005, 04:38 PM
المواضيع المتشابهه
العرض الشجري