هات القلم و اكتب على صفحة القلب
اكتب على صفحة فـؤادي قصيـده
باسم الغلا و الشوق مع صادق الحب
للّـي محبتهـا بقلـبـي شـديـده
طيّر لها يا صاحبي سرب مع سرب
حمامٍ اسبـق مـن ريـاحٍ عتيـده
يوصّل المرسـول و يميّـز الـدرب
و ياصل ديـاره لـو ديـاره بعيـده
حطّ الرساله في جناحه علـى جنـب
ووثّق على جناحه رباطـه و قيـده
قل له ترى منّي سلب خافقي سلـب
والعقل منّـي مابقـى بـه شريـده
قل له ترى صاحبك ما عاد به طـب
و من سبّتك صارت حياتـه زهيـده
يا ناعس الطرفين ياالترف ياالعـذب
ياللّي كما الريمـي بعينـه و جيـده
ارسلت لك شوقي من القلب للقلـب
باصدق رسالة حب ضمن القصيـده
| 
|
10-18-2005, 07:59 PM
المواضيع المتشابهه
العرض الشجري