(افرق جموع القوم لامن تعزويت=بعتيبه الهيلا وقيل ادعجاني

[نايف بن عرويل]

[poem=font="Simplified Arabic,6,white,normal,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
بسم الله الرحمن الرحيم
اخترت لكم هذه القصيده التي اتمنى ان تنال استحسانكم ورضاكم

((ارحـــــــل))
امس الضحى في عالي الرجم عديت=وجريت صوتي من زمان ٍطواني
قمت اتفكر بين يمكن وياليت=ياليتني فكرت باول زماني
ذليتني بالحب لين استذليت=وقررت تسحق في غرامك كياني
وسمعتلي من ذيك الايام تصويت=يقول لاتقرب غرام الهواني
وساعة سمعت الصوت للصوت لبيت=لبيه يالي للكرامه دعاني
وقررت افتت حاجز الذل تفتيت=وارحل عن ايامك وادور مكاني
انا مكاني فوق وللطيب ربيت=اسوق نفسي في معاسر زماني
وقفت في وجه الضروف وتحديت=وروضت صعبات ٍ عليها الرهاني
افرق جموع القوم لامن تعزويت=بعتيبه الهيلا وقيل دعجاني
ولا تنفع العزوه ولا ينفع الصيت=لاصار ما كملت بفعل اليماني
اخطيت في فهمي وانا اقول ما اخطيت=احسبك تفهم بالاشاره معاني
ماني من الي لا تغليت واقفيت=يطرد وراك يقول تكفى عشاني
ارحل عساك تموت ما يوم رديت=ماحنلك قلبي بطول الزماني
مانك بقد البعد عندي تثابيت=ترجع تقول ارجوك بعدك طواني
لا ياعديم شعور ان رحت وان جيت=ماعادلك في وسط قلبي مكاني


وانا اعتذر منكم على هالغيبه الطويله ولاكن ما غبتوا عن البال
تحياتي لكم[/poem]