القصيده الفائزه بقصيدة الإسبوع

[ابن مسلم]

[align=center] [align=center] يسرني إن أعلن فوز هذه القصيده [/align][/align]
[align=center]
( عابر سبيل)[/align]


[align=center]

بقصيدة الإسبوع
هذا ألف ألف مبروك

وتستحق القصيده والشاعر هذا الوسام






للشاعر نادر النمر/[/align]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
أخطيت في حقك .. وفي حقي أخطيت = مدري وش اللي في غرامك رماني
جيت بعيوني .. وبرموشي تغطيت = وأنا بعيونك عايش ٍ جو ثاني
بالله فيني يالغضي ويش سويت ؟ = كلي معك .. وأنا هنا في مكاني !
أخذتني كلي ولا عاد خليت = للناس مني شي قاصي وداني
ولامرني طاريك لبيت / لبيت = من عقلي وروحي ومنطق لساني
ياما تمنيتك ولا قد تمنيت = وساعة وصلت القلب / زف التهاني
وسكنت في قلبي وعشت وتهنيت = وضمتك ياعمري بشوق المحاني
لكن خسارة يالغلا ماتهقويت = إنك معي تقتل جميع الاماني !
بنيت لك في داخلي وأنت هديت = كل الذي بنيت لك .. في كياني
ماتدري إني لاستحسيت قفيت = أقفي قبل لاتمس قدري وشاني
وماتدري اني شامخ ٍ مثل حلْيٌت(*) = وربوعي أسمى من سهيل اليماني
وماتدري اني بالمعزة تربيت = كريم في طبعي ولا ارضى الهواني
ليتك قبل تخطي بحقي تأنيت = أو ليت ماسمعت كلامك اذآني
معاد ينفع قول ياليت / ياليت = تلومني .. وأنا بلوم الزماني
واليوم لو بالوصل جيت وترجيت = مبغاك دام اللي وصلني كفاني
أذكرني بخيري ليامن تعديت = عابر سبيل .. ومن طعونك يعاني
وأذكر كلامك لي .. يومه تناهيت = تقول ياخلي دفاك أحتواني
ولاأنت في بالي ليا أصبحت وأمسيت = وطيفك يشاركني جميع الثواني
حتيش لو إنك معي قد تماديت = مسامحك مادام هالعمر فاني
وإبيك تسمح لي ليا رحت / ماجيت = عاد أنت سامحني ولا تصير اناني[/poem]

[align=center]القصيده الفائزه [/align]