ياطير

[عضياني]

قد تباعد الظروف بين اثنين لا غنى لأحدهما عن الآخر ,
هذه قصيدة لمن غاب عني ,,,,

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياطير

ياطير كانك ضاريٍ بالمشاويــــر = باعطيـــــــك أنا ياطير مني رسالــــــه

بلّغ سلامي مع جميل التعابيـــــر = للــصـــاحب اللي طامعين بوصالـــــــــه

للصاحب اللي فرقتنا المقاديــر =مالـــه بدالـــي ,, وأنا مالي بدالــــــــــه

ثم بلّغه ياطير وش صار ويصـــــير =من بعد فرقا صاحبـــه وش جرالـــــــه

غديت أنا من بعد أغلى المعاشير =مثل المريــض اللي ترثي لحالــــــــــه

همــوم قلبي واقـفاتٍ طوابيـــر =لا راح خله صــــار حزنــــه مجالــــــــــه

حبــه بقلبي ما يبي زود تفسـير=وشلون يسأل شخص يسكــــن خيالـــه

أنا أشهد إن اللي معه دايم بخير = لا واهنيــه ,,, يــــوم ينــظر جمـــاله

ما شفت مثله في جميع الغنادير= ولا به كـــــلامٍ زيــــن ,,,إلا وقـــــاله

بالصبح مهمومٍ وبالليــل تفكيـر=وخلي بعيـــدٍ ما يجينـــي سؤالــــــــه

وأنشده عني لو تكرمت يا طيـــر =اللــي طــرالي مــــاأظنــّه طرالــــــه

إن كان وقته مع ظروفه معاذيــر =لــه حق قلبـــــه من يجي ويعنالــــــــه

وإن كان بدموعه تجي فرحةالغير =واللــــه ما تبــــكي عيونــــه لحالــــه

لو بشتكي هموم قلبي على( الزير) = تبكي عيونـــه,, قــــبل يبدا قـتـاله

شكواي للي في يديــــه التدابير =يـــالله عساني دوم ســاكن فبالـــــه

ويا طير كانك شرقي الدار بتطير =خذ له خفوقــــي وسط ذيـــــك الرساله

العضياني
[/poet]