**اقول يكفي واقصرو للنزاعي**

[سلطان الذيابي]

[align=center]السلام عليكم ورحمة الله

اخواني اخواتي ابيات من جديدي عسى ان تنال إعجاب الجميع


إلـمــن ابــا أشــكــــي[/align]
[poem=font="Simplified Arabic,6,black,bold,italic" bkcolor="transparent" bkimage="backgrounds/8.gif" border="none,4,gray" type=0 line=0 align=center use=sp num="0,black"]
يلفع عيوني عن حلا النوم لفّاع =عيّت تذوق النوم جاها امتناعي
يسري بي الهاجس على كل مصراع =هجوسٍ تجي فردى وتجي اجتماعي
اسري مع الهاجوس مع كل مخواع =لكن ما لقيت لي من يراعي
العين تشكي وارجفن حدب الأضلاع =قام الحشا يرجف وفيه انصداعي
العين محجرها من الضيق دمّاع=استرسلت دمعٍ من الغيض ماعي
إلمن ابا اشكي قسوة الوقت ما طاع =وإلمن ابا اشكي روعتي وارتياعي
وإلمن ابا اشكي لوعتي صرت ملتاع =وإلمن ابا اشكي صدمتي والتياعي
وإلمن ابا اشكي همي اللي غدا أنواع =هم يزول وهم يدعيه داعي
إلمن ابا اشكي جرح وزيادة أوجاع =وإلمن ابا اشكي وحدتي وامتناعي
قبل المشيب الشيب في عارضي شاع=الشيب لاح بعارض الراس شاعي
لا شك عني راحوا اربوعي امزاع=اليا شكيت الحال صارو مزاعي
اليا ابديت شكوايه يصكون الأسماع=محدٍ وقف لو كان موقف دفاعي
والا عذلوني عن هوايه بالاجماع=واقول يكفي واقصرو للنزاعي
اشكي لهم حالٍ بدرب الهوى انصاع =يا ناس روفوبي ترى العقل ضاعي
واقول عقلي ما انشمت فيه لوضاع=ما قدّر المولى عليّه مطاعي
واسري معا نفسي هواجيسي اتباع =ويوم التفت اليا طريقي ضياعي [/poem][align=center]الشاعــر: سـلـطـان الــذيــابـــي[/align]