إسمع العلم ياهـَنّ

[محمد العريــدي]

مشاركة قصيرة .. من باب التواصل ..







[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ياهَنّ إسمـع ..وأفهـمْ العلـم ياهـنّ = دبلـت كبـدي بالهـروج السخيـفـه
صبرتْ .. مير إن السوالـف تمـادنّ = وأنته تظن .. إن السوالـف طريفـه
إسمع .. وخل آذانـك اليـوم يصَغـنّ = وعلّم جميـع أهـل العقـول الخفيفـه
الهرج له ميـزان .. ولابـدْ يـوزنّ= والرجل مايهرج علـى كيـف كيفـه
لابدْ يحسـب .. للسوالـف ويفطـنّ= ويحذر من الزله .. ولو هـي طفيفـه
ويحرص من الغيبة ومن قولت أظـنّ= وهرج القفى .. لأهل النفوس الضعيفه
وعيب ٍ على الرجـال يشتـم ويلعـنّ= والعيب كله .. هتك عـرض العفيفـه
ولا يستمـع للهرج .. حتـى يتبيـنّ= ويش الصحيح .. ويش كذبه .. وزيفه
هذا .. كلامي .. وأفهمه زيـن ياهـنّ = إمسك وصاتي .. دام نفسـي خفيفـه
[/poem]