(سر نفود السر)

[صقر المعتاد]

اليكم هذه الرائعه من روائع الشاعر المبدع علي بن صامل
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لفضل لله ثم لآل سعود يا القلـب الحسـود = وعتيبة الهيلا كلام اهل الحسـد مـا ضرهـا
اعزنا الله والنوايا بيـض والمرقـى سنـود = واهل النوايا السود قولً قالتـه مـا سرهـا
سود النوايا في قلوبً سود خلف وجيه سـود = خل الوجية السود ما تلقى ما يبـرد حرهـا
تعال يالتاريخ واكتب عـن عتيبـة والنفـود = ترى نفود السر حنـا اللـي كشفنـا سرهـا
ما عاد فيه اسرار راح السر مع ماضي العقود = هذي نفـود الملتقـى للـي يجـي ويمرهـا
انجاز لا قبلـه ولا بعـده ولا يمكـن يعـود = وقبيلةً يا بخت حـظ اللـي تكافـى شرهـا
يا هيه والله ما تحركهـا المدافـع والجنـود = وانت تحاول كيف فـي جـرة قلـم تجترهـا
ما نلت منها غير ما نال القراد مـن القعـود = لكن ابا اقول لك كلمة في ضميـرك صرهـا
أي نعم الهيلا هل العوجاء عريبيـن الجـدود = العزوه اللي في سموعـك والعيـون نذرهـا
على الهواء قد قالها مشعل وقـدام الحشـود = ردع لمن نفسـه هواهـا غرتـه واغترهـا
احلا من الشهد المصفـى للقلـوب والكبـود = وعلى كبود اهل الحسـد ياحلوهـا يامرهـا
وما دام ابومتعب وابوخالد ونايف في الوجود = معهم نكافح نامـس الديـرة وناطـى ذرهـا
خدامهم وجنودهم امن الوطن سـور الحـدود = والمملكة في وجيهنا مـن بحرهـا لابرهـا
توحيدنا بالله وحدة والـولاء لابـن سعـود = شعارنا الثنتيـن والديـن الحنيـف اقرهـا [/poem]الشاعر علي بن صامل