الملك فهد بن عبدالعزيز آل سعود رحمة الله عليه

[بدر ناصر المورقي]

[align=center]السلام عليكم اداريون واعضاء وزوار هذا الصرح الشامخ في هذه الايام لزاما علينا نحن الكويتين ان نستذكر الملك فهد المساهم الاول والمحرر الاول ومحتضن حكومتنا الرشيده وشعبنا الكريم[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/2.gif" border="none,4,gray" type=2 line=0 align=center use=ex num="0,black"]
سلام يانسل الملوك الميامين= هاك الليوث اللي تفك النشابه
إسدٍ على صعود الشواهيق ضارين= يوم تكل اقدام من هو رقابه
من ثقلكم تتعب كفوف الموازين= نسل الفخر تاج الظفر والمهابه
انتم فى عين المجد رمز ونياشين= و انتم فى عين العز للمجد بابه
غيثٍ على من يشكى الهم والبين= وزمزم فى جوف اللي ضمى الضيم صابه
خدام بيت الله وحماية الدين= سقم الغدر سم اللئيم وعذابه
يوم استغاثة ديرتي بالكريمين= يوم الغدر فى كويتنا عض نابه
ويوم انتخى جابر حفيد الحكيمين= واصبح عليكم حق جار وقرابه
جيتوا من اقصاكم ضياغم ملبين= مثل بشاير دعوةٍ مستجابه
وفز الفهد نسل الحرار السلاطين= وعطاه ردٍ فيه عزم وصلابه
ابشر وانا فهْد القروم العزيزين= لا جيه في مرٍ يعكِّر شرابه
واصير في نحره سوات السكاكين= واصير في سمعه عواء الذيابه
واصير في عينه هداد الشياهين= وزلزال ينسف من تجاوز صوابه
واصير في جوفه حميم البراكين = واتخيب هقوة كل ظالم هقابه
وذرّا ببشته من لهيب الاكاوين= وظلّل علينا كف مثل السحابه
عساه مايحرم من الجنه امين= وياالله تجعل في يمينه كتابه
نفْس الجسد نسكن ولاكن بروحين= الدين واحد والعوايد تشابه
لكم علينا دونكم مستميتين= رد الجمايل كايدن يالذيابه
وسلام يانسل الملوك الميامين= هاك الليوث اللي تفك النشابه [/poem]
[align=center]بدر ناصر بداح المورقي[/align]