القصيده الفائزه في مسابقة قصيدة الأسبوع للأسبوع الثاني

[ناصر الحربي]

القصيده الفائزه لهذا الاسبوع هي :



دار السعودي دارنا للشاعر المميز/ محمد الروقي

على هذا الرابط

الف مبروك لشاعرنا المميز والمبدع


قصيدة استحقت الفوز وبجداره .


حبك وسبك ومعنى ومضمون


مع تمنياتي للجميع بالتوفيق


[poem=font="Simplified Arabic,5,black,normal,normal" bkcolor="transparent" bkimage="backgrounds/42.gif" border="none,4,gray" type=2 line=1 align=center use=ex num="0,black"]
سلام ردية وفا من خاطري قدم الحضور=للجزل واللي يفهم المعنى زعل زفيتها
لبستها ثوب(ن)جزل رشيتها بزكاالعطور=فيها وفيها من دعاوي(ن)شفتها سويتها
لا واهني اللي منول واهني اهل القبور=ماشافو البنت العراقيه يفتش بيتها
ماشافو الطفل اليتيم اللي بغزه ومحصور=والهيس بوش يهدد الديره وياخذ زيتها
حتى الدقيق البودره من يمهم صار امحضور=وياليتها ياليتها تقعد كذا ياليتها
غصب(ن)على الرجال يرضخ لليهودي ومحقور=بقواعد(ن)حطت من اقصى غربها لكويتها
لاشافو الحاكم يبا يعني يبا يلف ويدور=جابولهم سرب يحدد بالقمر تكريتها
ماباقي الا للعرب تحديد وجبتهم فطور=وحنا نصفق عاش بوش عراقنا ونهيتها
في بعضنا ياطيبنا تفجيرنا وسط القصور=قتلت بلدنا من ولدنا ارهاب لو سميتها
يابن البلد وراك ماوديت شرك للشرور=درب العلوم الطيبه ياحيف كيف اخطيتها
كيف الغراب يصير فرخ(ن)من مواكير الصقور=يعني تبا تكحيلها ياشين بس اعميتها
ياشين خل بلادنا ياشين بالدين معمور=كم ركعة(ن) وسط الحرم كم حجة(ن) حجيتها
خلك على دينك وقايد دولتك تكفا غيور=لا تقتل ام ربتك في حضنها وبكيتها
ياذاك جدك بالوفا وبوك بالطيب امخبور=وش جنبك عن درب ابوك وسنة(ن) سنيتها
حنى على درب النقا مع درب ذربين الشبور=جداننا راحت وحنا في ورايث صيتها
كلمة سعودي والسعودي بالمعاهد مايبور=وهذي عود(ن)لو تبيها تختفي ما اخفيتها
دار السعودي دارنا ياثور ياتباع ثور=والله لتبطي عضم ياكوبان ماهزيتها
دام ان ابو متعب جمعنا والنقط فوق الصطور=بالشرع والتوحيد رايتنا رفعنا صيتها
افهم كلامي ياهذا والدم للطيب يفور=ولا الردي يتبع علوم اهل الردا وتصويتها
ون علت عنا ونت منا طس والدم امهدور=تموت والعله بكبدك ونت مادا ويتها
وتمت وصلى الله على شفيعنا يوم النشور=نبينا يالي حفضنا وصاية(ن) وصيتها[/poem]








[align=center]ترشيح اللجنه على النحو التالي :

رشيد الكسر : دار السعودي دارنا للشاعر / محمد الروقي

ابن مسلم : دار السعودي دارنا للشاعر / محمد الروقي

ابن ثعلي : دار السعودي دارنا للشاعر / محمد الروقي

عبدالله المرشدي : دار السعودي دارنا للشاعر / محمد الروقي

ناصر بن سعدي :العطر الفرنسي / للشاعر فهد حنس

ناصر الحربي :العطر الفرنسي / للشاعر فهد حنس

العنيــــــــــــد: بلا نقط للشاعره / آهاات الوله[/align]