للشعر عند آآآهات مقصد وغايه

[آهات الوله]

[align=center]قصيده تتكلم عن نفسها اتمنى ان تجد القبول[/align]


[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
اكيد ماتدرون انا ليه جايه=ماعندكم علم وخبر كيف تدرون
ماجيت اسوي عن قصيدي دعايه=ولا حسبت حساب للي يمرون
للشعر عند آهات مقصد وغايه=فيضٍ من الوجدان له وقت مخزون
نزفه ليا من زاد بيح خفايه=ثم جا على المطلوب منقي وموزون
مره يجي واضح ومره كنايه=يحمل معاني شي ظاهر ومدفون
مثل النشيط اللي قليل الدرايه=وش لون يركب خيل والناس يمشون
مايدري ان المبتدا له نهايه=بس النهايه كيف ماهو بمضمون
القصه احيانا تسمى روايه=والفرق فالراوي ليا صار ملسون
محدٍ يحرج غير يبغى السعايه=لكن ترى مافيه شيٍ تبيعون
للقاصر اياً كان حق الرعايه=حقيقةٍ يجيزها كل قانون
الوضع مزري والحكايه حكايه =غير الذي في تاليتها تظنون
ناديت يامن يستمع في ندايه=ياهوووه ردوا كان للحق توحون
بالشعر حق للابسات العبايه=بالذات لامن صار من قلب مغبون
وانا كتبته من شقاي وعنايه=يوم ان بعض الناس بالفهم يخطون
انا التي يهمها مستوايه= لاتكثرون الهرج لا لا تعذلون
اقفي وتبقى نظرتي في سمايه=والقاف دايم معي حاضر وممنون
اصبر واحقق بالهدف مبتغايه=والمعتدي خسران وابليس ملعون
بيت القصيد ايقول هذا كفايه=لاتنزلين القاف من دون في دون
اللي كتبته من خلاي بخلايه=توي شطبته قبل مانتم تردون
المشكله بالفهم مو بالقرايه=والفرق واضح بين عاقل ومجنون
ابختم ابياتي بعجز البدايه=ماعندكم علم وخبر كيف تدرون[/poem]

[align=center]
وسلامتكم
آهات المطيري[/align]