مــــ سد بيشه ـــــن الـــــــ جده ــــــى

[السلولي]

[poem=font="Simplified Arabic,4,white,bold,italic" bkcolor="transparent" bkimage="backgrounds/10.gif" border="double,4,gray" type=0 line=0 align=center use=ex num="0,black"]
عفا الله عن عين لها نومها ماطاب=تشفق لذيذ النوم مازارها مده
تقول يحربها عن لذيذ الكرى حراب=جيوش تقاوم داعي النوم وتصده
انا اشهد شهادة حق مايكشف الاصحاب=ويبحث خفاياها مثل حزة الشده
تبين صديق الضيق مالصاحب النصاب=ويعرف بها اللي يكره الرجل ويوده
يقولونه العراف قبلي بغير حساب=وانا مالقيته من قسا وقتي اعده
لياما تغطت ليلة الهم بالجلباب=وتاه الدليل وقام مع دربه يرده
تغيب النجوم وتختفي والجدي ماغاب=تقدى به الساري على مايبي وده
وانا اللي معلمني زماني بغير كتاب=دروس ثمينه تنفع الرجل وتسده
ولاني على زلة رفيقي كثير عتاب=اشوف الخطا واصد مادام لي صده
انزه مقامي واترفع عن السباب=وابعد نظر عيني عن اللاش وامده
ولااحب قرب منتبين الردى نتاب=هل الكلمه اللي تجرح القلب وتقده
تطور مشاكلها عى تافه الاسباب=ضعوف الروابع لاعزوم ولاسده
لوان القضية ماتساوي جناح ذباب=تلاحوا بها من سد بيشة الى جده[/poem]


الشاعر/ محمد بن ناصر بن عباد السلولي