.. خذها على الذرعان .. ..

[محمد العريــدي]

قديمة ولكن .. اجددها اليوم لكم .. إقبلوها كما هي .. ..


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
خلك على صــــــدك ترى خاطري طاب = ودعتك الله .. وأبـــتــعـد لا تجيني

من صــد .. دون أيّت عواريض وأسباب = أنهيت حــب ٍ صــــــار بينه وبيني

حتى إيش ... لو إنه من أدنــات الأقراب = نفسي عزيزة .. والعرب خابريني


ماني عقب فـرقاك .. عايش بــلا أحباب = ولاني عقب فــرقاك عايش حزيني

لاساهر ٍ لأجلك .. ولا الدمع ســكــّــــاب = من أنت ..؟ حتى تبكي اليوم عيني

أصبحت في عيني.. مثل بـــاق الأغراب = إن رحت والأ جيت ما أنت بظنيني

وش حاجتي .. لاصـــرت بالحب لعـّـاب = حــرام أضيــّع معك بــــاقي سنيني

خذها على الذرعان وأحسب لها حساب = نهاية المقصود .. في كــلمتــيني

اللي يبي فرقاي .. قـــــــــدامه البـــاب = واللي يبيني فـــوق راسي وعيني[/poem]


[align=center]بـ/ قلم : محمد وليد العريدي ..[/align]