بــــــلا نــــقـــــــط

[آهات الوله]

[align=center]للتواصل ارجو ان تنال اعجابكم[/align]


[poem=font="Simplified Arabic,5,black,bold,normal" bkcolor="transparent" bkimage="backgrounds/49.gif" border="none,4,gray" type=2 line=0 align=center use=ex num="0,black"]
لاجيت اناظر وين انا من زماني=لقيتني ويا زماني على خط
نفس الزمن عشته ونفس المكاني=اميزه لوكان شكله تلخبط
صبحي مطاوعني وليلي عصاني=اجلس لحد الصبح والجفن ماغط
لاغاب قرص الشمس همي غزاني=وصارت ماعاليقي للاحزان مربط
مافيه ضيق الاتحامل وجاني=كنه معي في ليلتي بالثمن قط
عندي لهاجوسي بفكري مواني=له في فضا فكري مطيرٍٍ ومهبط
حظي جويد بس ماقد عطاني=ابظلمه بالحيل لو قلت منحط
اهم حاجه من ذنوبي كفاني=ماحطني وسط الهوى ثم تشرط
يعني اقدم له عظيم امتناني=واقول ياحظي تشمس على الشط
عشري ليا راحن يجني ثماني=لاروحن بنقط يجني بلانقط
الحمد لله ماشكيت الهواني=لكن صدري من غثا الناس منبط
عانيت فالماضي ومازلت اعاني=من شوف ناسٍ بالملاهي تمرمط
بعض العرب مجنون يسمع اغاني=يهتز فكره ثم يقوم يتمغط
كنه يقول لباقي الناس كاني=عايش سعيد وبالحرام اتبسط
والبعض الاخر واصلٍٍ للجناني=عاقل وفي درب الظلال يتخبط
له بالخطا خطوات سر وبياني=كنه على فعل المعاصي تسلط
وتلقى كثير اللي به الخير باني=نور الحقيقه لابدا صعب ينغط
غريب حال الناس مجني وجاني=وضعٍ تفاقم حيل ماينتبقط
دنيا تجي ميلاتها في ثواني=فيها المبادي عن قممها تزحلط
تلقى الهزيله في مقام السماني=والخبل له قدم الطحاطيح مقلط
احوالها مع كل قاصي وداني=تلعب على الحبلين لاجت تنطط
كلش بها زايل ولا له اماني =العمر يقضي والليالي تملط
الدايم الله واي مخلوق فاني=الكون كله بأمر ربي يمشط
وان كان كل اللي سبق ماكفاني=اكيد قافي بالقصيد يتعبط
يعني انا والشعر في وضع ثاني=عالم فريد بزحمة الشيل والحط
بين الهموم وبين كثر الاماني=تجريبي افكاري ومخي تشطط
مدري وش اللي في خيالي دهاني=وخلاني اشقا بالشعر واتورط
والا الزمن نفسه ونفس المكاني=متاكده لو كان شكله تلخبط[/poem]

[align=center]وسلامتكم

آهات[/align]