عانيت ولحدن في غرامه يعاني

[قوت القلوب]

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
ياعاشقين اليوم جرحي كفاني=مماحصلي فالهوى ناظري شاب
خلوني انسى دام حلمي نساني=لاتمنعون القلب نسيان الأحباب
أحبابي الي مايجون المكاني=لا الشوق قربهم ولا نازفي طاب
في بعدهم طالت علي الثواني=كم ليل سراني ولاطيفهم غاب
أحبهم لاشك والحب جاني=يوم الهوى ماسده دموع وأتعاب
إن كان شان الحب ماهوب شاني=وش له حفظت الحب في قلب وكتاب
وش له كتبت الشعر جزل المعاني=وش له ذرفت الدمع من فوق الأهداب
عانيت ولحدن في غرامه يعاني=الأالذي من صادق العشق من صاب
خلوني أرعى العمر والعمر فاني=وش لي بقى لاصارحرمان وغياب
خلوني أنسى كل دربن كواني=ماأقبل عليه ولآأبي منه ترحاب
أقفي وأعاتب في حياتي زماني=وأقول عذري يازمان مابه أحباب
ضمنت لك حظي وحظي رماني=للي جفاني يازمن بلى أسباب
بكره يدورفي حياته حناني=لاسابقه وقته وخلوه الأصحاب
يندم على اللي منه بالصد جاني=ويقول ليت الوقت ماكان بحساب [/poem]