((من صغر سني ما عرفت المهاداه))

[رعــ الهموم ــد]

[align=center]بسم الله الرحمن الرحيم

مسائكم خير

حبيت ان اظع بين أيديكم هذه الرساله
التي وجهتها لأحد أعمامي وأنتظر ردها قريبا
اتمنى ان تلامس شيأ من ذائقتكم[/align]


[poem=font="Simplified Arabic,6,black,bold,italic" bkcolor="white" bkimage="backgrounds/1.gif" border="double,4,gray" type=2 line=0 align=center use=ex num="0,black"]
من صغر سني ماعرفت المهاداه=ومن قو باسي شلت حملي لحالي
متغرربن بالعمر من يوم مبداه=ومصبر على جور الدهر والليالي
الحيف لامنه حدا الرجل قواه=خلاه يرقا لنجوم العوالي
وأنا عسير الوقت قمت أتحداه=ودخلت بيبان المراجل عدالي
واللا الردي عينه على وطية حذاه=مارام مطلاع العلا والمعالي
دايم ومن حوله من الناس يشناه=رمه ولايعلق بهاك الخوالي
ياكثر مايجمع رياله بمخباه=وبيته ماأخبره مدهلن لرجالي
لو في مراحه فوق أربعمائة شاه=ماكن في جيبه يشيل الريالي
والضيف لومر بطريقه تعداه=ولوينشدونه قال ماله ومالي
خله يولي هفة مقيط بإرشاه=خالي ومن ينشد عن الخبل خالي
خله يروح وراحة البال فرقاه=مايرفع الرجال حجم النعالي
وإسمع وأبأرجع يم هرجن تركناه=بأعيدلك شين قديمن مضالي
الوقت يحداني وأنا دايم أعصاه=ولأهرج بشين في زماني جرالي
وماأذكر حداني الوقت ثم قلتله آه=حتى ولو فارقت بالوقت غالي
كاس المراره بأول العمر ذقناه=أشرب مراره ماشربت ألزلالي.
وأدور الكايد على الناس وأرقاه=وأشب ناري فوق روس الجبالي.
نارن تداو القلب والهم تجلاه=وأقرب العواي هو والدلالي
ولاصارت الدله على النار مركاه=أقوم وأسكبها لقرم العيالي
رفيقي اللي حطني يم يمناه=ولو مالت الدنيا علي إرتكالي
القرم ينخاني وأنا دايم أنخاه=كنه مع النخوه يصيبه هبالي
يسوا عيوني وأدري إني لعيناه=عمي أبونايف كريم السبالي
ياعم قلبي قاسي الوقت خلاه=دايم وأنا وياه داخل جدالي
يحداني الأقشر وأنا دايم أحداه=يبي جنوب ومبعدنبه شمالي
لي وقت أداريبه ولابه مداراه=عجزت فيه ومصبر وغث بالي
ولله يالولاه لولاه لولاه=لو أدري إنه من ضلوعي يشالي
إنكان من مبطي عليهم حذفناه=حذفة شجيع لغترته والعقالي
خله يروح ولابغيناه بلقاه=بلقاه بديارن عليها الخيالي
برقن يلوح إوبلها باردن ماه=عزي لقلبي منه ياعزتالي
ياليتني لاجيت والقلب وياه=أحصله ياعم وياه سالي
العين سودا والحلا في محياه=والرمش فوق الخد جاله ضلالي
لاسلهم بعينه تساقط ضحاياه=سليمهم يم الطواري يحالي
وكن البرد مصفوف داخل شفاياه=وطعم العسل من بين الأشفاه حالي
والموت لافل أشقرن كن حلياه=إل ذيل شقرا أصيل وقت القتالي
ودي أخلي كل باقي مزاياه=والعنق عنق الريم لحظة جفالي
ياماحلا زينه وعقله وممشاه=يالله تحفظه وتكتبه بالحلالي
ياعم لو تسمع من القلب شكواه=تركت نجد وجيت نازح شمالي[/poem]


[align=center](رعــــــــــــــ الــهـــمــــوم ــــــــــــــــــــــد)[/align]