قصدة شعريه نادره مرحه حينما ركب الطائره لاول مره

[احمد الزايدي]

[align=center][align=center]الشاعر ابن مطرود من كبار شعراء قبيلة الشرارات بالقريات

له نادره شعريه مرحه حينما ركب الطائره لاول مره

يقول :


وادعت ناجح مـن مطـار القريـا**تيـوم ركبونـا الطائـره وشلعتـنـا

لفت ودارت وامرجت بين لحظات **لـولا الكراسـي والمحـازم رمتنـا

طاروا بنا حمـر العلابـي خواجـات **زغـر العيـون وجيههـم هولتـنـا

تكفى تشهد يا ( فهد ) واقـرأ آيات **الموت جانا والظـروف اجبرتنـا

جانا المضيف وقال وش فيه خدمات **قلـت نزلونـا بطـونـا اوجعتنـا

من قبل اشوف الغيم دون السموات **واليوم اشوفه يافهد مـن تحتنـا

عز الله اني ما حسبـت الحسابات **والا تـــرى سيــــارتي مــوصـــلتنا

يا زين ممشى الارض لو هي مسافات **إلنـا بشعيـب ٍ مجهزيـن هوتنا

وش جابنـي لطائـره والمـطـارات **والله ما عُـود ركـــوبهـا إن نزلتنـا

لو تنفجـر قامـت تذيـع المحطـات **رح عـــاد دور قـــشنـا مـن جثثـنـا
[/align][/align]