درب المعالي

[بدر ناصر المورقي]

[align=center]السلام عليكم اداريون واعضاء وزوار هذا الصرح الشامخ اضع بين ايديكم قصيدتي هذه راجيا ان تنال استحسانكم وقد نشرة قصيدتى هذه
في مجلة اوراد عددها الحالي ومجلة اوراد مجله شعريه لصاحبها الشاعر القدير حامد زيد والاعلامي والناقد على المسعودي تحياتي
///[/align][poem=font="Simplified Arabic,6,black,bold,normal" bkcolor="transparent" bkimage="backgrounds/13.gif" border="none,4,gray" type=2 line=0 align=center use=ex num="0,black"]
اصاحب رجال المكارم والسماح= رجلٍ كريمٍ شب ضو وهب ريح
اليا سمع من قال حي للفلاح =في الصف الاول ياعسى وجهه فليح
صاحب نوايا عذبةٍ مايٍ قراح= لوتنتثر بارض امتلت زهرٍ وشيح
يرحم طفل ويجل شيبان الصلاح= يقدر ويعفو دايمٍ طبعه سميح
يفزلامنه منادي الحرب صاح= ويضرب كما الزلزال تدميره صريح
مزبن لمن هو صابه الوقت بجراح= وتشفى جراحه من وجعها يستريح
خذ علم له نورٍ كما نور الصباح= يومٍ ندر في هالزمن رجلٍ نصيح
ماينّقد من هو في وقت الضيق طاح= إنقد عليه ان جازله فيه المطيح
ودرب المعالي درب ما به مستراح= دربٍ بذل وجهاد نفسٍ مايريح
والبخل لعروق العلا سمٍ ذحاح= مايرجح الميزان مع رجلٍ شحيح
ولايمكن يجيك النجاح بلا كفاح= الا اذا من مات قام من الظريح
ومن لا فشل ما ذاق لذات النجاح= ومن الخطا حنا تعلمنا الصحيح
وهرج القفا اقشر من طعون الرماح= من هو تصيبه ضاق بالكون الفسيح
ياجعل من يحكيه تذريه الرياح= ولا يموت ولا لقاله من يبيح
ياجعل ناصر للمكارم والسماح= جعله كريمٍ شب ضو وهب ريح [/poem][align=center]بدر ناصر بداح العتيبي[/align]