تشبه الفكســــــــــــــــــــــــــــــــار

[عبدالله المرشدي]

قصيده غزليه اتمنى ان تحوز على رضاكم

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحبيبي لاتساورك الشكوك = ماسكن بقصى معاليقي سواك
لوسالت ابيات شعري علموك =ولونظرت الشوق بعيوني كفاك
يرحم اللي ياحياتي خلفوك =ويرحم اللحظات في ساعة لقاك
حبي اكبر من غلاة امك وبوك=لو يطول البعد قلبي مانساك
اعشقك بجنون احبك كلبوك=والصراحه جد ذابحني غلاك
كان تبغى القلب يالمحبوب دوك =جاك قلبي دام انا كلي فداك
وان بغيت اكثر وش اكثر لعنبوك =وش بقى لاصار قلبي في يداك ؟
آخذٍ مني على قلبي صكوك =لو تجاهل ماعتقد حبي خفاك
قمة الاخلاق مع حلو السلوك =مع جمالك صرت بعيوني ملاك
وان نطقتي قلت لك لافض فوك =صوتك الفتان سبب لي هلاك
كن باهدابك مثل عسكر ملوك= رمش عينك من نظر غيرك حماك
وان مشيتي كن رجلك فوق شوك =تقصر الخطوات يامحلى خطاك
كن الارض تقول يرحم من ربوك =كيف تمشي بالحمول اللي وراك
الدروب اللي مشيتي مانسوك =يوم تمشي ينبت الزهر بثراك
نور خدك يجهر اللي ناظروك =لو نظرتي للقمر تاه بضياك
تشبه الفكسار شمعه والشبوك =حمرة خدودك ومبسمك وشفاك
العذارى لجل حسنك حاربوك =كل زينٍ جاك يزعل من حلاك
انتي الفكسار والباقي بيوك =فرق عنهن بالحلا ربي عطاك
غصب عنهم بالجمال يرشحوك =تاخذ الاول على هذا وذاك
كل من حولك على ماردت جوك =خاضعين ولايبون الارضاك
لجل حسنك لو طلبتي ماعصوك =تاخذين اللي تبي محدٍ عصاك
مارآت عيني شبيهك حتى اخوك =عن جميع البيض عالي مستواك
بعد هذا ياترى باقي شكوك =وياترى وش كثر حظي من هواك؟!
قبل هذا كل خلاني فدوك =دام انا من كل وجداني معاك
[/poem]