تقوله بنت ميموني

[آهات الوله]

[align=center]لاستغني عن توجيهاتكم[/align][poem=font="Simplified Arabic,5,white,bold,normal" bkcolor="transparent" bkimage="backgrounds/26.gif" border="none,4,gray" type=2 line=0 align=center use=ex num="0,black"]
غريبه حال دنيانا=من اولنا ليا اقصانا
تذكرنا وتنسانا=وحنا باثرها عجلين
تساوي عالي الهمه=بقدر الهيس والرمه
وتجعل راعي الذمه=يحاتي حالة الباقين
تضيّع قيمة الطيب=وترفع قيمة الخيب
تشوف بعيد وقريب=ولاتسال عن المخطين
تلاقي ناس نصابه=وبالاشكال تتشابه
على الحبلين لعابه=تقدر رفقه الواطين
تشوف الدين مظهرهم=وفعل الشين دامرهم
مادام بليس خاشرهم=تراهم للولي عاصين
تشوف وجيه تالفها=ولو ماكنت تعرفها
وبعض وجيه تقرفها=ولاتنظر لها بالعين
قلوب الخلق تتالف=وبعض احيان تتخالف
مابين خلاف ومخالف=على موالهم ماشين
يعيش الحي مع جنسه=يدور راحته وانسه
حقيقة جنه وانسه=على جمعة بعض حرصين
ترى حال البشر دايم=تلاقي فيهم الهايم
وتلقى واحدٍ قايم=مقابل عشرة لاهين
معالم زايله تفنى=واذا عشنا بعد شفنى
ولو من وضعها خفنا=ماكنا بالخبر دارين
كذا الدنيا بها لعبه=فراق وحالةٍ صعبه
تطلع خافي الجعبه=ولاتسال عن المقفين
كتبت اللي على بالي=وغنيته بموالي
وغيري دالهٍ سالي=ولافكر بيوم الدين
الا يالله ياربي =تخفف ضيقي وكربي
تنور لي على دربي=بنورٍ يهدي الغادين
تقوله بنت ميموني=يوفي دوم مايخوني
تقول مطير من دوني=الى من جا نهارٍ شين
وختام القاف ياسامع=اذا بالاخره طامع
توضى وامش للجامع=وتب هالحين مو بعدين[/poem]
[align=center]وسلامتكم[/align]