((قرب الرحيل اللي على القلب مكتوب))

[نسمة غلا]

[align=center]السلام عليكم ورحمة الله وبركاته

اعزائي اعضاء منتدى عتيبه

يسرني ان اضع بين ايديكم القصيدة التالية

والابيات تحكي واقع حقيقي

ارجوا ان تحوز على رضاكم


[poem=font="Simplified Arabic,5,white,bold,normal" bkcolor="transparent" bkimage="backgrounds/10.gif" border="none,5,black" type=1 line=0 align=center use=ex num="0,black"]
قرب الرحيل اللي على القلب مكتوب= باقي شهورٍ في عددها قليله
اللي مضالي معك ياشوق محسوب= واللي يجي عيني برهبه تخيله
حتى لو اني لاتذكرتك اذوب= ماقدر اواصل بالدروب الطويله
باكر يجي للحق طالب ومطلوب= وزرعك يجيه اللي يجمع حصيله
واقع ظروفي صدق ماهوب ملعوب="مكتوب والمكتوب مافيه حيله"
حتى لو الفرقى تجي عنك ماتوب= محبتك تبقى محبة اصيله
اوعدك انا ما انساك ياخير محبوب= واوعدك غيرك بالهوى مانحني له
انت الحبيب اللي له القلب مجذوب= حبك بقلبي مايطري رحيله
لو كان شوفك صار بالعرف محجوب= طيفك يجيني كل لحظه واجيله
قربك غناتي ياغناتي ومرغوب= لكن ظروفي في وصالك بخيله
الامر عندك وانت بالامر مغلوب= من قبل نبدا كان واضح دليله
اذكرك واقول مكتوب مكتوب= باقي شهورٍ في عددها قليله[/poem]

مع تحياتي

نسمة غلا[/align]