الهم عودٍ في خفوقي ثاوي

[عبدالله المرشدي]

[align=center]آخر الجديد آمل ان تنال الرضى[/align]

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
هم وشعر زايد فراغ يساوي=جمر سمر باقصى اضلعي يحرقني
احداث حاضر ماضيٍ متهاوي=لو تختفي ماظنتي تعتقني
قد عشتها واللي مضى له راوي=بحوالها تجاربي تصدقني
صورتها وانا بعضها غاوي=وسبقتها من قبل لا تسبقني
متناقضات وحبلها متلاوي=في مهجتي بجزالها تشرقني
اخفيتها مابديتها لمداوي=لن الشكاوي للبشر ترهقني
نور وظلام وذيب غدرا عاوي=دايم معي ماودها تطلقني
شمسٍ تشع وبدر ليلٍ ضاوي=على عيونٍ همها ترمقني
الهم عودٍ في خفوقي ثاوي=من قبل يكبر غرني واوثقني
كنه على طول الطريق مخاوي=لاقلت فارق قال قوم الحقني
العمر سكه للنهايه تاوي=والوقت مع طرد المنى يسرقني
حتى لو اني للمصاعب قاوي=اكيد همي بالخفا يرقني
هذا وانا من كل طيبٍ حاوي=اكرم وجيه الخير واكرم دقني
ماني على مدحي بشعري ناوي=لكن قافي بالفخر يغدقني
[/poem]