(( جمرة البعد )) ..

[عريمان السبيعي]

السلام عليكم يامعشر عتيبة
سرني انضمامي إلى صرحكم الشامخ
وهذه مصافحة لذائقة الناقد والمتذوق والشاعر

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عطني من ايام السنة يوم واتوب = قدامها ماظنتي فيه توبه
ماعاد يطفي جمرة البعد مكتوب = القلب من فرقاك شبت شبوبه

صبرت صبر أيوب .في حزن يعقوب = أبكيك نوبة وآتمناك نوبة
وبخير دام الضحك ينتابني نوب = وكل مابغيت الرّجم وجّهت صوبه

قبل الغروب أبدي على راس مشذوب = لوعة نهاري تبتدي مع غروبه
يرخي ظلام الليل فوق الثّرى ثوب = ومكنون قلبي ينكشف ستر ثوبه

واجر وناتٍ لها طعم واسلوب = فيها على كثر المرارة عذوبة
واقول مافي طرد الامال عذروب = وانا أدري إني فيه بالقى صعوبة

لو شفت قلبي من خلال التلسكوب = دريت بانك مرتكب لك عقوبة
وان كان وصلك لي على بالك ذنوب = لاعاد تغفر مابقى من ذنوبه[/poem]تحاياي