مساجله بيني وبين الشاعر نايف بندر المطيري,,,,,,

[البارع]

مساكم الله بالخير جميع ...احب ان اضع بين يديكم

اخر جديدي وهي مساجله بيني وبين الشاعر نايف بندر الميموني

المطيري.....وقد ارسل هذه القصيده:


[poem=font="Simplified Arabic,5,black,normal,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
يا طير ياللي فالسماء تكفخ الريش= اقرب وابي عني تودي رساله
للشاعر اللي وقفته كنها جيش=يشفي غليلك لا وقف في مجاله
وصل له المكتوب في حزة غبيش=واوصل سلا مي وانشده كيف حاله
وياطير لاشوش بما جبت تشويش=قله ترا هذي جواب ال سواله
والشعر صار اليوم مايوكله عيش=لاصار ماهو عارفٍ راس ماله
مادام مايسرج على قب ويعيش= والذيب من فعله يعشي عياله
والله يسمونه بها الوقت درويش=ويصبح على قومه مهمش وعاله
وياطير قله صاحبك لاحقه طيش=يمدح ثقيف ودوم يذكر غزاله
ماشافهاومدري يتغزل على ويش=ويفهق حشاه ان لاح برق وخياله
ويسقي ضماه ان جتله ام العكاريش=يبدا يلاعبها ويسولف لحاله
وتطري على راسه بعيد الطواريش= ويسوق فكره مع معابر خياله
من غير لايختم ولامر تفتيش=مخلين خلفه طويق وجباله
يالين ياصل دار حمر الطرابيش=بعدين وسط الريف يبسط رحاله
والنار تشعم صيدها مالي الخيش=واصرعيني ثم اذوق البياله
واقول زله بس بشويش بشويش=شاهن ثقيل يثقل اهل الجهاله
واصحى من افكاري وانا اقول له ليش=حبل الفكر تطويه طي المحاله
جتك القصيده يالعتيبي على ايش=في بحرها المسحوب فتل وجزاله[/poem]
وهذا ردي:

[poem=font="Simplified Arabic,5,black,normal,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
ياركب اللي ماضرى بالمطاريش=جيبٍ جديدٍ من حفيز الوكاله
لا دق سلفه ما يجيله خرافيش= من صنعة اليابان صعبٍ مناله
تمشي به الطبلون كنه على اشويش=راسي على خطه شديدالبساله
منصاك رجلٍ مايجيب العراميش=لا بالله الا جاب كل الجزاله
نايف ولدبندر زبون المباليش=من روس قومٍ وارثين الشكاله
سلم له المرسول وافي بلى طيش=من راس شاعر مايجيب الحثاله
واوضح له المكتوب من غيرتربيش=قله ترى سلطان كله جماله
يفرح بمرسولك ولاجاه تطنيش=ولا يذكر الكلمه ويوم المقاله
والشعر يانايف حصل فيه تشويش=كلٍ يجيب البيت في غير جاله
حتيش لو انه رمع فيه حتيش=وحتيش لوانه بغاه وعنى له
الطير مايكفخ بلى ضفة الريش=والذيب ماهرول يريد الهزاله
وان كان ناوي دار شرابة الشيش=ناسٍ على الفطره وجاهم ضلاله
كانو على فتح الاراضي عواطيش=وكانو هل الدعوه ورمز الاصاله
ودك بالارض اللي غشاها تراشيش=في خايعٍ ماشيف حوله بداله
والا الفياض اللي لها صدرك يجيش=اللي لها قلبك يجيه استماله
اركب على اللي مايجيله تناتيش=وانس الخيال اللي يروح خياله
ثم سم باللي عارفٍ قصدنا ويش= قدم النهار و قبل مدة ضلاله
ثم قفل الجوال مع فصلة الفيش=من شان ماتبلش بكثر اتصاله
واللاش خله مع جميع الدراويش=وانا خويك فالامور الجلاله
ربعي هل الوقفات هم مقدم الجيش=اولاد ثابت داحرين الجهاله
هذا كلامي وارفع القول عن ليش=القاف صعبته ولازم كفاله
والقاف لوانك بنيته على ايش=لاجيب مندوبه واواصل كماله
وختامها صلو على نقوة قريش=محمد رسول الله وكلي فداله[/poem]


وسلامة قلوبكم واعذرونا على القصور,,,,,,