هذه اول مشاركه لي ارجو من الجميع الدخول

[يامي غيور]

.....................السلام عليكم ورحمة الله وبركاته ...................


احب ان اقدم لكم نفسي حيث ان هذه اول مشاركه لي وهي قصيده ولقد تم كتابتها من قبل من الاخ المحقني ونقلت في القسم الاداري منتدى المواضيع المميزه وقد كان هناك خطا في سردها بالاضافه الى انها لم نتسب لشاعرها وحاولت ان ارد على الموضوع فلم استطع وبذلك قمت بطرح القصيده مرة اخري


حيث ان هذه القصيده للشاعر ::مهذل بن مهدي بن ظافر ال مهذل الصقور اليامي








[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جيـت أتظلـم سيـدي ثم أطلبـك لفـت النظـر=هل تنصف المظلوم من ظلم الزمان اللي وطـاه
معذور لو جيت أعتذر غيـري تعـذر وأنعـذر=ماخطيت لكن الزمن أخطـى وحملنـي خطـاه
حقٍ علي أصبر ومن صبّر على شـيء صبـر=والصبر لو فيه المـرارة مـن ملـذات الحيـاه
على سفينة حبكم ظميان فـي عـرض البحـر=هبت عليه العاصفه ثـم انتثـر ماعـون مـاه
يبّـس شفايـاه الظمـا ولا تصبّـر مـا قـدر=ولا شرب من البحر زاد الظمـا علـى ظمـاه
بيـن البدايـه والنهايـه لا إتجـاه ولا مـفـر=يقبل ويقفـي يستديـر بـدون وجهـه وإتجـاه
والموت قـام ايدارج التابـوت لأبـواب القبـر=والموج غاضب والكفن منسوج بخيـوط الوفـاه
وحارت بعينه دمعةٍ لوجات في صلـد الحجـر=ذاب الحجر كما يذوب الكحل في عيـن الفتـاه
قطع رجاه مـن الحيـاة وبّركـه حكـم القـدر=بارك كما يبرك بعيرٍ شـال حمـل مـا قـواه
ما هو بـوده يلفـظ أنفاسـه ولا حولـه بشـر=أمـا صديـق بيّحـه وإلا ولـد عـمٍ بـكـاه
وإلا عفيفـاتٍ يطـرَّنّ الجيـوب مـن القهـر=هذي رمت عنها القناع وذي رمت عنها العبـاه
على ظهر سفينتـه يطـوي مسافـات العمـر=مستوحشٍ وحشة نبـي الله يونـس فـي دجـاه
فجأه وهو ساهي خطف عينه سنا بـرقٍ ظهـر=يبرق على بعد المدا ويضيح فـي الغبّـة سنـاه
وحنت مباكير الرعود وهـب نسنـاس المطـر=ريح المطر يطرق وريده والسحب غطت سمـاه
وأسقاه ربي من سحابه وأنجلى عنـه الضجـر=وشرب وصدّر وأرتوى وأبحر على درب النجاه
وتذكرك يا ظامر السرجوف يا تـرف النحـر=يا غايته ومناه في دنيـاه ويـا شمعـة هـواه
أنت السفينة والبحر لا جـاك علمـي والخبـر=وأنت الظما والماء بليّـا شـك وبـدون إشتبـاه
البارحة لك وأمس لـك واليـوم وأيـام العمـر=الليل ليلك والنهـار يشـع مـن خـدك ظيـاه
يابو جديـل أشقـرٍ مثـل الشعـاع إذا انتشـر=وإلا كما نبـع الغديـر اللـي تحـدر للوطـاه
يابو حجاج دارته تشبـه هـلال أتلـى الشهـر=والخشم سيف جّرده حامي السريـه مـن خبـاه
والعين نجدية ترعرع فـي محاجرهـا السحـر=لا سجًحت برموشها جرت فـؤادي مـن عـراه
خدٍ كما روض الزهر وإلا قمر خامـس عشـر=من استلذ بحبتـه حـوّل علـى جمـر الشفـاه
جمر الشفاة اللي تواقـد فـوق وضـاح الثغـر=ومبسمك لا وا هنـي مـن قبلـة و إلا سقـاه
ياقوتـة فـي رقدتـك كنـه مـبللها الخـمـر=خمر الثمان ومن طعم خمر الثمان أدرك منَـاه
والعنق عنق الجازية لا روّحت حـل العصـر=لا روحت من بطن وادي وامرحت في اللي وراه
وتفاحتيـن بابليـة فـي بساتـيـن الـصـدر=الصدر راوي والخصر طاوي كما خصر المهاه
فخذك فخذ بكر تغض الطرف وتحـب الستـر=والساق تحفه عاج لا مثلـه ولا فـي مستـواه
وخضاب كفك جنةٍ خضراء على ضفـة نهـر=وإلا جناح الطير لا سمع حس قنـاصٍ رمـاه
هذي وصوفك يا لطيف الروح يالظبـي العفـر=وأنت الذي ربي على كـل المزاييـن اصطفـاه
وأنت الذي طيفك يسامرني على ضـوح القمـر=أوسده يمناي وأقلـب صفحـة الذكـرى معـاه
وقف ترى عمري بدونك يا بعد عمـري هـدر=وإلا تعال أودعك وأكتب معك لأهلـي وصـاه
وصاة مجنون قضى نحبه وهـو يهـذي شعـر=يهذي بحب اللي غرس رمح المحبه فـي حشـاه
يا سيدي حلمك علي وأنا أعتذر عن مـا بـدر=أصفح عن المذنب ولا تسمع دعايـات الوشـاه
يا ونتي ونة كسيـر عظـم ساقه مـا جبـر=و إلا فونة الأسحم اللي طاردينـه مـن عشـاه
وأنا حصان طمرته تعجـب عيونـك لا عثـر=يصهل صهيل العز والطراد مـا يلحـق مـداه
يامـا عليـك أجـر ونّـات العشايـا والفجـر=وأبكي كما يبكـي يتيـم يكسـر الخـاط بكـاه
هذا وأنا سيـدي جيـت أطلبـك لفـت النظـر=هل تنصف المظلوم من ظلم الزمان اللي وطـاه [/poem]
هذا ولكم جزيل الشكر