هذا الطريق

[بدر ناصر المورقي]

[align=center]مساكم الله بالخير واضع بين ايديكم قصيدتي الثانيه وارجو ان تنال اعجابكم وقد سبق نشرها في جريدة الوطن (ملتقى الشعراء)وجريدة الانباء(الواحه).[/align] [poem=font="Simplified Arabic,7,black,bold,normal" bkcolor="transparent" bkimage="backgrounds/5.gif" border="none,4,gray" type=2 line=0 align=center use=ex num="0,black"]
مافي حياتي شىٍ اسمه مستحيل = وفيني شغف ممشى الدروب الموعره
ماكلّت اقدامي من الدرب الطويل= مادام بالدرب المعزه موفره
اتعب لرزقي سعي لو طاب المقيل= وان طاب فالي انطحه ما انطره
ماني بنمامٍ وذمامٍ يعيل= وعلى خصال الطيب نفسي مجبره
يوم الردي يجمع خزاياه بشليل= خذيت انا من منقع الطيب اكثره
افرح لاشفت البسمه بوجه العليل= وضيق من عيشة يتيم بمحقره
وخوفي من الزلات في حق الاصيل= خوف البخيل ان جاه طاري مقبره
لومقصدي دونه تهاويلٍ وويل= قدت العزايم غصب ولزوم اعبره
احب اوصِّل علمٍ بحكيٍ قليل= ومالى لزوم بعلم زايد ثرثره
ولي قلب ما يجزع من الحمل الثقيل= يسند على متونٍ تعشق المقدره
اعشق كريمٍ كثرما اكره بخيل= وعشقي ليامني زرعت القى اثمره
وحب اصاحب كل رجالٍ نبيل= تسعد بشوفه باليال المعسره
زندٍ وظهرٍ لك لجا بالحال ميل= لجا الزمان الشين يحمل خنجره
وعشقي اشوف الارض من فوق المخيل= وفبني طموحٍ ما يجي بالحنجره
يجي بفعلٍ يكسر السيف الصقيل= ولا بخنجر فج للصعب انحره
والمشكله لاصار ما بالصبر حيل= ولاهو بطيبٍ منك غصبٍ تصبره
ودك تصون العشره وترعى الخليل= ولايحس انك قريب بتخسره
مدري تغلي او غرورٍ اوهبيل= مايدري المتكبر اني بهجره
ولاتعمد للجفا يشعل فتيل= واثري مضيِّع كن فالعين اغبره
بسمه رسمتك في ثغر ليلٍ مليل = و قبلي حياتك بعثره في بعثره
مني تعلم يزرع الصحرا نخيل= وصارت دروبه مخضرات معطّره
ومني عرفت شلون طعم السلسبيل= ومنى عرفت شلون حزنك تحقره
مهدت في دروب المتاعب له سبيل= ووسط المتاعب صار يمشي بختره
هذا الطريق ان كنت عزمت الرحيل= وان جاك مني قاصر ارجو المعذره
لاكن تذكر قبل عن عيني تحيل =تتعب على مثلي وماقلت اذكره
هذا زماني منت لاقيلك بديل= كنِّه زمن عنتر ماغيره عنتره[/poem][align=center]بدر ناصر بداح المورقي[/align]