الحر طار وجا مـكانه دجـاجه

[عبدالله المرشدي]

آخر الجديد عسى تنال رضاكم

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
الله مـن فكـرٍ تعـكـر مـزاجـه=اصبح بغبات الهواجيـس ممـزوج
كن الضلوع العوج فيهـا انفراجـه=اونس لضى جمر الغضى داخل العوج
جـرحٍ عطيـب وماتيسـر علاجـه=لاحسنـي ودي مـع افكـاري ادوج
ودي بقفرٍ مابعد حي داجه=من خلقته محمي ولاهوب مديوج
تعبت من وقتٍ تطاير عجاجه=مهما تحاول فيه مامنه منتوج
مافيه غير المعمعه واللجاجه=بابه على زيف الحضارات مفجوج
الحر طار وجا مكانه دجاجه=ماعاد تفرق بين عاقل ومرجوج
العقل نعمه والسماجه سماجه=ياشينها لاقالوا الناس ملبوج
كلٍٍ على عرفه يدور خراجه =راضي بتفكيره ولاهوب مزعوج
شجاعة الرجال وقت المواجه=تبين لو وجهه من السيف مشجوج
ياكثر من لاجاك يرقص حجاجه=ولااقفى حصانه بالقفى دوم مسروج
للحق طلابٍ يولع سراجه=واللي بطل باطل ولو طول يموج
لليل جنح وللصباح انبلاجه=تداول مابين عالج ومعلوج
ماعاد لي بمقرد الخلق حاجه=بيني وبين المهزله باب مزلوج
هذا هوى فكري وهذا مزاجه=لاصرت في وسط الهواجيس ممزوج[/poem]