عضو جديد واول منتدى عتيبه اشارك فيه

[الحمر المطيري]

السلام عليكم ورحمة الله وبركاته



اقدم نفسي لكم اخوكم الحمر المطيري من الكويت وانا ماتوجهت الا عند ربعنا عتيبه وماقصدت غيركم والنفس ماترتاح الا عندكم بعد مطير ولا يهنون اخواني القبائل الاخره ولكن هذي الحقيقه ...


ياعتيبه انا جيت يمكم زعلان على ربعي مطير ههههههههه وقلت مالي الا خوال جدي اروح يمهم ...


وعسى الله يكتب اللي فيه خير واللي عندي بقدمه من المشاركات اللي تفيد المنتدى واهلها ولاني باخل عليكم .. لانكم ضيفتوني عندكم وجمالتكم محفوظه ماتغدي ...


وثقو تماما والله مايزعلني ولا يضيق صدري اي شي ينكتب عن مطير من معارك والا غيرها الحقيقه يعرفونها الرجال والتصحيح واجب علي وعليكم وعلى كل شخص عاقل والقدر محفوظ ولا ينزل من القدر شي ..


وتقبلو تحياتي


واشكر الاداره على حسن الاستقبال اول مادخلت استقبلوني برساله (( ماشالله مايمديني افتح الصفحه الرئيسيه؟؟:D)) هذا يدل على حرص الاداره على استقبال كل عضو جديد الترحيب فيه ويدل على الاهتمام على الاعضاء والزوار والحرص على تمتعهم في المنتدى عسى الله يبارك فيهم وفي عملهم الطيب


وانا حالف والله ماحد يذبح لاغداء ولا عشاء الباب هذا مسكره مره وخابرين قدرنا عندكم مايحتاج ذبايح :D