هذي مشاعر قوت مع وقت الاشراق

[قوت القلوب]

[align=center]
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
ترى الغلا والشوق طاغي وحراق= لاتحسب انه يابيض الوجه عادي
مبعد وقلبي يتبعك دوم مشتاق= لو تلتفت شفته معك ياودادي
صوت وقصايد ليل ودموع واشواق= مشاعرٍ تكبح جماح ابتعادي
القلب يمك ياهوى البال ينساق= سوق الذلول اللي عليها الشدادي
هجرتني والعقل من سكرته فاق =فاق وتكون في خفوق رمادي
اكتب بيوت الشعر في بيض الاوراق=توضيح عن ماصابني في فوادي
دمع العيون السود مازال دفاق =على قليبٍ صار بالشوق غادي
من دون وصلك كيف الايام تنطاق= في ذمتي ماذوق حلو الرقادي
لاتحسب ان القلب لناس تواق= انته لحالك بس غاية مرادي
حبك بناله قصر في وسط الاعماق= فيه المعزه والمحبه تنادي

اسمك يخفف ضيقة الصدر لاضاق=وقربك لقلبي عيد ضمن العيادي

هذي مشاعر قوت مع وقت الاشراق=كتبتها والنور يادوب بادي[/poem][/align]