يا زمان السيوف ويازمان البلاجيك

[ناصر الحربي]

المشاركة الأصلية كتبت بواسطة ابراهيم العسيري اخواني واخواتي منتسبي هذا الصرح الشامخ اضع هذه المتواضعه بين اياديكم لعلها ان تحوز رضاكم والمعذره على القصور. [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] يا زمان السيوف ويازمان البلاجيك =يا زمان المحاجي والحصون الحصينه القيم والقناعه منهجٍ للعرب فيك=والكرم والشجاعه والخصال الثمينه كم وكم ضيف عابر واكرمنه لياليك=كم شجاعٍ سرى بك لجل يطفي الضغينه النفوس الأبيه خيمة فوق اراضيك=والقلوب الرضيه والعقول الفطينه عاش فيك الرجال وعلمتهم مباديك=العلوم الجميله والفعال السمينه ترضي ارضٍ عليها والسما دوم ترضيك=كل ما جف نون اردفت له معينه يا زمانٍ تولى بس لازال طاريك = ليت لك عين تبصر هالزمان وسنينه هالزمان المكهرب كسروا به لتاريك=والجمل شل عنه الحمل ذيك المكينه الحجر بيته اصبح من بلك وسراميك=والخيام اهجروها وانزَحوا للمدينه والتعامل براس المال والرقم والشيك=ناس لجله حراميه وناسٍ مدينه والرجوله ضحيه في زمن خلطة البيك= ضيع الرجل عاداته وقصر بدينه الخشونه توارت واقبلت قصة الديك=والبروستاج لاهبل واللبوس المهينه شاب تلقى كفوفه كنها قطعة الكيك=لكن اهون تلاقي بعضهم كالعجينه لاسقى الله حضاره كان ياخوي تغويك=عن قيمنا العريقه والحبال المتينه ماضياً وامتدحته حاضر اغبر وبهجيك=ما هجيتك تبطر بس فيني غبينه[/poem] [align=center]المحاجي/ بناء قصير يقي من الرصاص ويمكن للمقاتل الرمي من فوقه معينه/ تراكم السحب الموحيه بهطول المطر الغزير أخوكم/ابراهيم العسيري[/align]

ياسلام عليك يابراهيم

هنا وجدت الشعر لاهنت

انت مبدع وكفا

صح لسانك مدد يابيض الوجه

كل التقدير