خلاص الوقت علمني ( مصافحه أولى )

[ساره الشهري]

حينمـا تسكت جوارحنا عن الكلام

ندع الحديث لأقلامنا

تنزف شيئا ً مما تكابده

علـّـها تستريح

وأسأل نفسي

ياترى من جعلني هكذا ؟؟

هل هي الحياة ؟؟

أم هي قسوة البشر !!

أو ربما أكون أنا من أخطأت التقدير !!

فأسأت التدبير !!

لكن " الله " ليس غافل عن عبده الفقير

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أبكتب لك مع ابياتي كلام مشفرٍ تشفير ... = لعلك تفهم المعنى ورمزٍ صاغه الساني
انا اللي عاشقه خلٍ عشق غيري بلا تقدير ... = تمنيته وهو ناسي واحسب انه تمناني
سقاني كاس بيدينه طلع كاس الهوى تخدير ... = احسبي مالكه قلبه وهو مع واحدٍ ثاني
انا نفسي على الذله تعاف الزين لو هو غير .. = واباطا قلبي برجلي إذا إنه تحداني
أنا أبنسى عنا الماضي وأبرحل دونما تبرير = عسى الله يسعد أيام العزيز اللي تمناني
تبي تدري وش القصه , وش المعنى , وش التفسير = وش اللي سهّـر عيونـي وخـلا النــوم ما جـانــي
وش اللي كسّـر الخـاطـر كسـور(ن) ما لهن تجبيـر = وش اللي أرخـص دموعي بجـوف اللـيل بكـانـي
أبرسـل لك مـع ابيـاتـي علامـات(ن) بـهـن تبـصيــر = وابوصف لك معـالم جـرح ينـزف وسط وجدانــي
ابرسم لك شظايا خافقٍ متكسرٍ تكسير = وابـنـظم لك قـوافي شعـر فـيـها قـصة احـزانـــــي
وابكتـب قصتـي معها عذر وارفع لك التقرير = انا الـمظــلوم لكـنـي بمفهومك انـا الـجـانــــي
أنا شفتـك على دربي ومن اجلك عكسـت السـيـر = وانـا مـدري وش اللـي يـــم ذاك الـدرب ودانــــي
لمحت اسمك مثل نجم(ن) على نوره يطير الطيــر = وانا من يوم شفت اسمك فرحت وجيت لك عانــي
تقابلنا انا وانته علـى صـفـحه بـها تـسـطـيـــر = تهلي بي من اولها وبآخر سطر تجفاني
لـقـيـتك تـنـتـظر غيـري حقيــقه مابهـا تـزويـــــر = وانا اللي كنت اظـن انـك علـى الصفحه تــحرانـي
تعيش الحلم مع صــوره على التصغيـر والتكبيـر = تـعـزي قـلبـك العاشق وفـيـك الـقـلـب عـزانـــي
سبحت بداخـل اعـماقـك وغصـت بغبـة التفـكـيـر = ولاتحسب هواجيسك مع اللي راح تخفاني
حمـلت المسك باليمـنى وباليـسـرى نفخت الـكيـر = تداوي جرحٍ بقلبي وتفتق جرحٍ أشقاني
بخـفي جـرحـك الدامـي وابـدفـن سـرنا بالبيـــر = وابنثر ذكرياتك شعر للهاجس تغشاني
واذا نادمت هاجوسي ابذكر عشرتك بالخير = وابـدعي لك إذا هـب الجنـوب وهيـض اشـجـانــي
عسى دوم(ن) معك يمشي رفيق بدربك التيسير = وأنا ماضيع من بعدك ولي رب تولاني
أنا يا صـاحبـي برحل وسـامحني عن التقصيــر = أنـا نفـسي تــعـاف الــزيـن إذا ما كـان يــبـغـانــي
وتبي أفرز لك المعنـى على الصـافي بلا تكثيـــر = واسّبـِك صافـي المعنـى بـقـالـب بيــت وحـدانــي
خلاص الوقت علمني حفظت الدرس بالتكريــر = نـصيحه لا تجـي وان جيـت لي ما اظـن تـلقانـي [/poem]

ساره الشهري " شظايا قلب "