خالد محمد العتيبي ( قصائد )

[رائد الشيباني]

السلام عليكم و رحمة الله و بركاته



خالد الدعجاني العتيبي : شاعر معروف لقب بشاعر الرسول صلى الله عليه و سلم و هو اللقب الذي حمله


( حسان بن ثابت رضي الله عنه ) قبل 1400 عام . مشارك بشاعر المليون 2 . له ديوان صوتي صدر عام 1425 هـ .







قصيدة رثاء الرسول صلى الله عليه و سلم


( ألقاها في شاعر المليون و تعرض مصورة على قناة الواحة بصوت المنشد سمير البشيري بعنوان يذكرني )


دعت سمرالجدايل وانتخت بالقذلة الهلة =تبي مني عروس للقصيد ازريت لاغويها
ويوم اني لقيت لها الخلود وجيت ابوصل له = تنحرك الكلام اللي فهقها دون مغليها
خضع لك راس مسبوق القصايد وانحنى كله = وانا بك شاعرالدنيا ومشغلها وماليها
يذكرني رحيلك مجلس باق على حله =مداهيل الرجال اللي تنومسنا مواطيها
هنا سليت سيف يوفي الثارين من سله = هنا علقت رمح يطعن الجوزا ويطفيها
هنا بينت مصحفك الكريم ودلنا دله =معك نبدا مواعيد الكلام وننتهي فيها
هنا ساقيت غصن من غلا كنا تحت ظله = نسولف بالغنا يا بايع الدنيا وشاريها
هنا كان الرجال جبال ما تقبل خنا الزلة =عمايمها سحاب وابله باقي مواظيها
رجال لو تشوف الماء غدر ما شربته لله=نبت عشب الرضا يا سيدي بأول مغازيها
هل التوحيد وكنوز العلوم ونصرة الملة =رجال يضحك التاريخ لولها وتاليها
هنا ماضيك ورياض الخليل اللي رعى خله = شربنا عذبها مدري لعبنا في مغانيها
هنا تخنقني العبرة وانا اكتب يا رسول الله =على قبرك نسيت الناس حاقدها وحانيها
وابو قبر يتيه من الفخر بالبيد وتجله = على حسد تبين من سمايمها وصاليها
ويهناك الوفا قبر يضمك في ثرا تله = ما دامه بين فردوس الجنان وبين منشيها
وانا لامن ذكرت فراقك اللي في يدي غله =نسيت ان الليالي شيبتني من بلاويها
على بعد الزمان اللي يعقد الحبل ويحله = ليامني ذكرتك طاحت الدمعة وراعيها
سلام الله ما هز الصبا نسرينه و فله =على الطفل اليتيم اللي عطى الدنيا معانيها


يذكرني ( بصوت سمير البشيري )



السيف


يا نا حل العود يا راع العطـب والجليـل
يا عا شق الشا مخات الا انـت راع لهـا
لك منزل فى ضميرى ما يجى بة نزيـل
اقـرا علومـك واسـوق القافيـة علهـا
واقهرك با للة ما جت بك بحور الخليـل
فا لوصف وانتة وصوفـك دقهـا جلهـا
أبيض مخبي عن عيون الـردي والذليـل
تتبعك الأشناب حاشـا مانـت تبـع لهـا
ناعم رهيف خفيف اليـا بغيـت وثقيـل
عمـهـوج تـدلـك العلـيـا وتدلـهـا
في عنقك من الجواهـر فـارد بالمثيـل
ميـر البـلاد دون عنقـك ملهـا ملهـا
ومخامسك عز واللي يعشـق المستحيـل
تطري علـى روحـه الصلفـة وتحتلهـا
خالك من الهند واعمامك تضـد المعيـل
ذباحـة الحيـل والسـادات يـا قلـهـا
واعراب ومعربيـن ومدخليـن الدخيـل
موت الضلالة تضل الناس مـن ضلهـا
لا يا جميـل المهيـا والمسمـى الجميـل
والاالمحيا....العذارى ما انته أحلـى لهـا
في خدك البرق يكسر وان تماشى المخيل
سيـل مـن الـدم واروح البشـر ذلهـا
يا((السيف))يالوادي اللي بالمنايـا تسيـل
وصفتك من الوصوف اللي علـى حلهـا
واليا مدحتك مدحتك من جزيل اليا جزيل
والعيـن مذهـب معانيهـا علـى خلهـا
يابا الشرف وابنعـم المختصـر والذبيـل
وأخو المهالك وبقعـا انتـه بنـاخ لهـا
يا مداوي الروس مدري ياطبيـب الغليـل
يـا فزعـة اللـي يهاوزهـا ولا شلهـا
ضدوه بالكثير وانته ضدهم بـا لصليـل
سلـك والأرواح منهـم سلـهـا سلـهـا
ياما ويامـا ويامـا مـن قتيـل وقتيـل
قدم المغيرة وتـال القـو د واحـم الهـا
بين الوعد والجهد واعلى الحدا والصهيـل
والعطفة اللي يـزل المجـد مـن زلهـا
رفعتك فيها غـرور الكافريـن المهيـل
متفرعـن تستبيـح الـحـرم وتحلـهـا
واليا نصفت الجماهي وان قصرت الطويل
سجـدة مطـوع تلبـي دعوتـه كلـهـا




نجد


جعل السحاب اللي حرق كبده البرق


............ومن حر مايونس تشاهق رعوده


ينقاد لامنه نحر وجهة الشـــــرق


...........وارزم مع الضلمى وستل حدوده


ويثري ثرى الديره من الضلع للعرق


..........ويبيح ماكنه ويذكر ســــدوده


حتى يزين الكيف للعفر والـــزرق


.........و يطيب راع الــــذود لادك ذوده


دار لها فالحب فرق عن الــفــرق


........فيها غلا المغلي ونايـــف جدوده


اذكرجراهدها ليا ناحت الـــورق


........وان هب تال عصير هفهاف نــوده


نجد الوفا والعز والجود والطـرق


.......ذروة سنام الدار مدهل فهـــوده


من بعدها وين انت يامنادي الغرق


......لا يا وجود القلب واخــر وجــــــوده


كم صوّت المرقاب يبنادمـــي ارق


.....سجاج والسجاج جرحـــه يقـــــوده


وانا قتيل العشق واللي طعـن درق


......كيف اتهم كفه وانا اول شهــــوده