نص يوجع مطلعه .............

[ناصر الحربي]

مساء الخير على الجميع

للتواصل معكم
.
.
.



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
عزالله ان اللي شهد للصايحه والنايحه= مايدري انه بعد فتره بيتشهد بأصبعه
تبقى حكايه تنتظر من حطها باللايحه= واللغز من باب القصيد الكل صاير يرمعه
بداية الموضوع عندي يوم شفت الطايحه= والشاهد اللي لاهرج مافيه شخصً يسمعه
انبح صوته بالحقيقه / والحقيقه رايحه= مع باب من لا جامل العالم ترى قل سنعه
وقفت اطالع في ذهول اشلون كيف السايحه= تثر على بعض البشر لاصار دايم تسمعه
لكن فكري ماتشتت رغم صوت الصايحه= اعرف حدودي واعرف الماء وين كاين منبعه
ياهل العقول الراجحه ياهل الكبود الفايحه= الوضع مزري والحقيقه نص يوجع مطلعه
تخالط افكار البشر بالنظره اللي شايحه= لآعلى مجرات الفضا من كهل همه اوجعه
ينظر عتب مدري زعل مدري ولكن لايحه= بوادر اهمال الزمن لعل ربي يقطعه
وانا همومي مع هموم الكهل ماهي زايحه=الا ان رب الكون فرج همه وهمي معه[/poem]