هـــيـــكـــل و ديـــــكــــــور

[علي العضياني]

السلام عليكم ورحمة اله وبركاته



اليكم هذه القصيده اتمنى انت تحوز على اعجابكم







[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بعض العرب ما غير هيكل و ديكور=و بالمعرفه راسه من العرف خالي
ما يحسن المنطق و لا يحكم الشور=و لا يحـل معـقـدات الحبـالـي
يقول انا فاهـم وعاقـل و دكتـور=وبالعرف والتدبير وصفي لحالـي
يالجاهل المغـرور تـراك معـذور=ما للحمـول الاّ ظهـور الجمالـي
تبغا الكباره وانت فالوقت مكبـور=مالك ليا جـات المواقـف مجالـي
ليا كبرت القالات ما عاد لـك دور=إيسنّع الدعـوى ثقـات الرجالـي
اللي مواقفهم مثـل مطلـع النـور=شعاعـه ايبـدّد ظـلام الليـالـي
بيت الشرف والعزّ ثابت و معمور=يثبت مثـل مـا يثبتـنّ الجبالـي
واللي على مذهب و ملّه و دستور=من حقّه انّه يرفع الـراس عالـي
واللي ما غير ايختّ و يلف و يدور=ما ينتقلّـط مـع كـرام السبالـي
واللي يغطّ النور أو يشهد الـزور=جزاه عنـد الله عزيـز الجلالـي
جزاه ما يعرض على جنة الحـور=النار مثوى من مشـا بالضلالـي
[/poem]