هـذا انـا يـا ناقشـات الأيــادي..؟؟

[جابر الثبيتي]

[poem=font="Simplified Arabic,6,firebrick,bold,normal" bkcolor="transparent" bkimage="backgrounds/27.gif" border="ridge,6,firebrick" type=2 line=0 align=center use=ex num="0,black"]
حكم علـي العقـل واوثـق قيـادي=يحسب عليه كـل خطـوة بمقيـاس
بنى من الأحـلام سجـن انفـرادي=واقام لي سجان ما يعـرف اليـاس
أتعبـت نفسـي بالكبـر والعـنـادي=لين اصبحت مثل الجمر بعد الاقباس
واحترت ما بيـن الصبـا والرشـادي=مثل الصويب الّي ينـازع للانفـاس
لأجل الهوى كرهت شربـي وزادي=كني سواة البـن يحمس بمحمـاس
وأخـاف لاســري يفجـرفـؤادي=ويشيع مكنون الضمائر مع النـاس
وأغدي حديث الخلق رائح وغـادي=مثل اللبان الّي غدابيـن الأضـراس
فيما مضى ما كـان سهـل(ن) قيـادي=طول السنين الماضيه رافع الـراس
ولااحد(ن) كتب اسمي بصفحة سوادي=ولا اخذت لي من سفلة القوم جلاّس
أنـا عتيبـي(ن) بوسـق الـشـدادي=ليا تنـادوا باللقـا فـوق الافـراس
هـذا انـا مـن قادحيـن الـزنـادي=من مشعلين النار في روس الاطعاس
هـذا انـا يـا ناقشـات الأيــادي=يلي لكم في خافق القلـب هوجـاس
هـذا انـا يـا بــارزات النـهـادي=يا مشغلات قلوبنا عـذب الاونـاس
هـذا انــا يالابـسـات الـقـلادي=ماني بـلا خبـل ولانـي بحـلاّس
همست همس الـود مانـي منـادي=خائف يعرف بقصـة الـود بـلاّس
خوفي مـن الشمّـات قلـل رقـادي=أسهر طوال الليل والخلـق نعّـاس
مدري غصـب والالهاالوقـت جـادي=ياعزمني طيـب العـرق والسـا س
يلـي مثـل ذوب النحـل بالزبـادي=وأطيب من الريحان لن هب نسناس
قصـة هوانـا فـل ورد وكــادي=زرعتهـا بالقلـب باعـز مغـراس
وإن كان قام الحـض زان الحصـادي=واخضرت الاغصان من بعدالايبـاس
أرسلت مرسالـي ولـن كـان عـادي=جاني بجواب الّي لها القلب حساس
ولابـد مـن علـم يجينـا وكــادي=امـا علـن والا رسالـة بقرطـاس
وإن كان ما جانـي خبـر واعتمـادي=ارسلـت للبلـدان مليـون عسـاس
مانـي بتـارك بالبسيـطـة بــلادي=إلاتنشـدت أهلهـا وكـل الأجنـاس
لعـل منهـم مـن يحقـق مـرادي=ويدلني على الذهب جوهـر المـاس
ولالـي مـلاذ الا الصبـر لـو زادي=ولابد بعد العقـد تنحـل الامـراس[/poem]