من اللعانه لانظرتك تبسمت

[عبدالله المرشدي]

عيديه لكن بشكل مختلف آمل قبولها

[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
قبل امس اشوفك ماترد السلامـي=واليوم من تقبل على طول سلمت
مدري كذا طبعك قليـل احترامـي=والا معي بالذات فقـت وتعلمـت
تراك عندي اسم ضمن الاسامـي=ماحس بك لو كان صحت وتندمـت
قلي عسى ماشر ويش انت رامـي=وش طاري بالفكر وش بك تلعثمت
تشـر علـي باصابـع الاتهامـي=ومن اللعانه لانظرتك تبسمت
ودك تكلم بس ضاع الكلامي=عينك تكلم وانـت ماقـد تكلمـت
ان كنت لي يابارد الوجه ضامـي= تراي عن شوفك وعن هرجتك صمت
وان كنت تبغى فزعتي واهتمامي=تبطي عظم ياميت النار ماقمت
منته كفو قولي وسلة حسامي= حتى ولو من تاليتها تالمت
فكري عن الهفوات والذل شامي=لاني عن الرديان والمبزره شمت
مثلك يقوّد بالرسن والخطامي= لو اجدك فالسوق بريال ماسمت
تدري لو انك تنستر باللثامي=كان استحيت من الخطا ماتهجمت
اخير منّك لابسات الزمامي=حتى لو انك باللثامه تلثمت
ترا المعزه والوفا للكرامي=والا الردي مايحمل اللوم لالمت
قيفان شعري ماتنزل مقامي=حتى ولو في وصف مثلك توثمت[/poem]