,’,’,’ الجـــرح في عيـــنك وانا اقول ( ياسين) ,’,’,’,’

[مشاعر حالمه]

السلام عليكم ورحمة الله وبركاته

كل عام وانتم بخير ..وعيدكم مبارك جميعاً

بمناسبة عودة الوالدة بالسلامة الى البيت بعد إجراء عملية جراحية في عينها حفظها الله ..

جادت قريحتي بهذه الأبيات التي اتمنى أن تعبّر عن ماكان يخالجني في غيابها وأثناء حضورها ..


[poem=font="Simplified Arabic,4,darkblue,bold,normal" bkcolor="transparent" bkimage="../backgrounds/13.gif" border="groove,4,black" type=2 line=0 align=center use=ex num="0,black"]
يامرحبا 2000 ياقرّة العين = ياللي حياتي دون شوفك شتاتي
متربّعة في القلب بين الشرايين= فداك يايمّه جميع البناتي
من عقب مارحتي وانا بين همّين = همّ التعب فيكِ وهمّ الخواتي
أحطّهم يالغاليه بين رمشين = خوفٍ عليهم من صروف الحياةِ
الجرح في عينك وانا اقول يا سين= اخذي عيوني ياعيون المهاةِ
تفداك وادري ماتكفّيك يازين = ياروح روحي يامناي وهناتي
تسوين يمّه ياغرامي من سنين = تسوين عيني ياغلا روح ذاتي
يالله يامنزل تبارك و( يــسٍ ) = ياواسع الرحمه بديع الصفاتي
ياخالقٍ خلقك على العسر واللين =يافالق الحبّه ومحيي النباتي
ياخالق اعظامٍ رميمة من الطين = ياللي بأمرك تحدث المعجزاتي
تحفظ غلاي من البشر والشياطين = اهل العقول الخاوية والوشاتي
وختامها مع ريح مسك ورياحين=ازكي سلامي للرسول وصلاتي[/poem]

وسلامـــة تسلــمكم ..

تحيتي للجميع ..

مشاعر حالمه