{{{{ حنــــــــــــــا عتيــــــــــــــــبه }}}}

[نايف جبرالذيابي]

أعزائي أعضاء هذا المنتدى الرائع وزواره الكرام
أجمل تحيه لكم . هذا أول مشاركه أتشرف بأن أضعها في هذا المنتدى وأتمنى أن تجد منكم القبول
هي قصيدة فخر بقبيلتي ( عتيبه ) التي أعتز بها وبتاريخها مع تقديري لكل القبائل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ

[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يــــانــــاشــدٍ عــنـّا تـرانا عتيبيه = قبيـــــلـــةٍ بين القبـــايل لـــنـا شان
تاريخـــنـا مافيـــه شــكٍ ورِيــبه = حنّــا تــرى للمجــد رمــزٍ وعنوان
وحنـّـا لنــا قــدرٍ وسمـعه وهيـبه = وحنّا هل الطولات في كل الأزمان
مثل السحاب اللي بـروقه عجيبه = متعلــيٍ فــوق الخــلايق والأوطان
حـــنا عتـيبه فعـــلنا ينحـــكي به = خيرٍ على الأصحاب شـــرٍ لعدوان
ياحظ من صار العتيبي صحيبه = يفزع له بوقت الشـــدايد والاحزان
وياويل من صار العتيبي حِـريبه = يجـيه هـم ويقضي الـليـــل سهران
نعطــــيه عمــرٍ فالحــياة الكئـيبه = ثـم نضربه بالسيف ويصير جثمان
ولاعنــدنا لـــه قـــبر ولاّ نصيبه = حــنّا لنـا عهـدٍ مع الذيب ســرحان
ياذيب أبشــــر والعشا لك نجـيبه = عهـــدٍ عـلـــينا مانخلـــيك جـوعان
وقـــول بلـــيا فعــل كــلٍ يعيـــبه = وحنــا نقــول ونِتبع القــول برهان[/poem]

اخوكم / نايف جبر الذيابي