صفوة الخلق اخر قصائدي اهداء للجميع

[القوبع العضياني]

[align=center]

أهديكم هذه القصيده وهي من أخر قصائدي امل ان تنال رضاكم وقبولكم ودمتم بود


صفوة الخلق


[poem=font="Simplified Arabic,6,white,bold,normal" bkcolor="black" bkimage="" border="ridge,4,orange" type=0 line=0 align=center use=sp num="0,black"]
يالله يالمعبود يا النافع الضار = يا الواحد اللي كل هم(ن) تزيله


ترحم شفيع الخلق هو سيد الابرار = نبينا اللي جالنا بالفضيله


تبكيه حتى الارض وغصون الاشجار = ولو مات والله مانسينا جميله


يا كيف ننسى من فتح درب الانوار = قامت علينا حجته من دليله


يا موت ويش سويت في نسل الاطهار = ما تعرف انا كلنا نفتديله


نعطيك لو تبغى ملايين الاعمار = وما تطلبه من حمل والله نشيله


انا اعرف ان الموت من وال الاقدار = حكم(ن) على كل البشر ترتخيله


لاكن في قلبي كما واهج النار = ونفسي على فرقاه نامت عليله


هذا وانا ما شفت زوله بالانظار = يالله عسانا لادعانا نجيله


في ساعتن فيها مشاخيص الابصار = يفوز من قالو محمد خليله


ب جنة الفردوس ويذوق الانهار = ويحشر مع اللي تحت شجره ضليله


نبينا اللي يوم ضيقات الاحشار = كل الأمم ترجيه تبغى الوسيله


يقوم واثق شامخ(ن) كله أصرار = أنا لها والعين تبكي تخيله


ويسجد لربه يطلبه فك الاعسار = ويحلها الله بعد وقفه طويله


وياقف محمد مكرم الضيف والجار = وينادي الغر المحجل تجيله


ويجيه من صلى ويقراء فالاذكار = وكل(ن) بهاك اليوم يجني حصيله

تعطى كتاب(ن) يظهر اسرار واسرار = بيسار والا يمين لازم تشيله




في يوم ما تنفع سواليف واعذار = والحق وافي ما ينقص مكيله

تنشر صحايفنا على روس حضار = يالله عسانا مانجي بالفشيله



وترى الكلام اللي ذكرته وما دار = تبين فيه أفضال راع الفضيله


أما عن وصوفه فا انا اقول معذار = سيد ولد آدم وصوفه جليله


لوكنت أبا ازن كل وصف(ن) بمقدار = ما اوفيه حقه يا بشر مستحيله


لاكن هذا شيء من بعض الاثمار = وترى محمد ماش بعده بديله


صلو عليه وسلموا سيد الأخيار = كل(ن) يصلي غير نفس(ن) بخيله


أنا أشهد أنه قاهرن كل الأشرار = دمر فلول الشرك وأرسى الفضيله


عليه منا عد من جاه مزتار = أزكى صلاتن قالها من يجيله
[/poem]


شعر : القوبع العضياني[/align]