خالـد العتيبي وقصيدته أمام لجنة شـاعر المليـون

[إشراقات]

[align=center] أتركم مع قصيــدة الشاعر خالد العتيبـي ( شاعر الرسول عليه الصلاة والسلام )[/align]

[align=center][/align]


[poem=font="Simplified Arabic,4,darkblue,bold,normal" bkcolor="transparent" bkimage="../backgrounds/18.gif" border="double,4,gray" type=1 line=0 align=center use=ex num="0,black"]
ياللي ورى ركنـك تلـوذ المساكيـن = واسجد لمرضاتـك واذلـل جبينـي
عبدك على عهدك ومدك بـلا حيـن = وانـا علـى بابـك وتعلـم كنينـي
ازريت لا عـدل كفـوف الموازيـن = وازريت اسد الربع من عشـر دينـي
لبيـه ثـم لبيـه لبـيـه واهلـيـن = ياعـز وجهيـن وثمرهـا سنيـنـي
وابر واغلا مـا تحلـت بـه العيـن = واجل وابرك مـن اجيـه ويجينـي
واهلا ولو اهلا توقف مـع اسميـن = وقفتهـا مـا بيـن الاسمـى وبينـي
واثنين ما افرق فالغـلا ومتساويـن = الاني افـرق بيـن عينـي وعينـي
ليت انهم فالصدر حرز عـن البيـن = والمـوت قبـل يمرهـم يحتويـنـي
وعن واهج الرمضا ضلوعي بساتين = واليـا وطوهـا زلهـم راحتيـنـي
اطيب وامرض واغضب العمر وازين = وانسى المجافي واجفى اللـي يبينـي
واحب واكره واحشم انسـان واهيـن = في ذاتهـم واقـرب بهـم مبعدينـي
واصل على رجوى رضاهم للاقصين = واقطـع بمبعدهـم ولـوه يميـنـي
ولو ان عمري يصرف ايام واسنيـن = قسمت عمري عـدل مـع غاليينـي
واليـا نزلـت اقبـل اكفوفهـم ليـن = ساويـت راسـي مطلـع الفرقدينـي
وانا فدا ماطـى قـدم جـل الاثنيـن = من دون اقول اللـي تحوشـه يدينـي
وامين من جودك ومن جودك اميـن = يالله عسـى الجنـة جـزا والدينـي [/poem]

قصيدة الشاعر خالد محمد العتيبي للمشاهدة او التحميل اضغط هنا