وشلون

[ذيب الينوفي]

اهدي لكم هذه المتواضعه

[poem=font="Simplified Arabic,5,black,bold,normal" bkcolor="transparent" bkimage="../backgrounds/2.gif" border="none,4,gray" type=1 line=0 align=center use=ex num="0,black"]
حديت له عمري وارخص به السوم=وبعته رضاً له ما اختلفنا بالاسوام
لاتكثرون اللوم ماني بمليوم=في ذمتي في مثل وصفه فلا الام
العود ريان ٍ من الحمل مضيوم= بحمل الردايف راوي العود منضام
والصدر به بيض الحمايم ومزموم= من هو لمحهن ياخذ ايام مانام
وبالرمش سهم الموت مبري ومسموم=يطلق سهوم الموت مع كل سلهام
والعين عين الي شهر باغ(ن)الحوم=شاف الحباري وتله السبق ماحام
والخد برق(ن)ناض في وسط مركوم= مزن(ن)لرعاده بوسطه ترزام
والعنق عنق الي جفل موح(ن)القوم = عنق الحبيّب فيه من عنق الاريام
اصدر بقلبي حكم صدق بمرسوم=وتناقلت حكمه وكالات الاعلام
يقول خل الحب بالقلب مكتوم= وليا ظهر حبك ترا حكمه اعدام
صرخت ياقاضي انا منك مظلوم=ظلمتني ياشيخ في حكم الاسلام
وشلون اصوم وتغرب الشمس واصوم=ووشلون اصلي دون تكبير الاحرام[/poem]